පුද්ගලයෙකුට මරු කැඳවමින් පස්දෙනෙකු රෝහලට යැවූ බිහිසුණු අනතුර..

වැලිකන්ද පොලිස් වසමේ කැබ් රථ අනතුරකින් පුද්ගලයෙකු ජීවිතක්ෂයට පත්ව තිබේ.

වැලිකන්ද සිංහපුර මාර්ගයේ සිංහපුර දෙස සිට වැලිකන්ද දෙසට ධාවනය කරන ලද කැබ් රථයක් එහි රියදුරුට පාලනය කර ගැනීමට නොහැකිව මාර්ගයෙන් ඉවතට පැන ගසක ගැටීමෙන්අද (15) උදෑසන කාලයේ මෙම අනතුර සිදුව ඇති බව පොලීසිය පැවසුවේය.

අනතුරින් කැබ් රථයේ රියදුරු මිය ගොස් ඇති අතර එහි ගමන් ගත් පුද්ගලයින් 05 දෙනෙකු තුවාල ලබා ප්‍රතිකාර සඳහා පො‍ළොන්නරුව රෝහලට ඇතුළත් කර තිබේ.

අනතුරෙන් මිය ගොස් ඇත්තේ 52 හැවිරිදි සිංහපුර වැලිකන්ද ප්‍රදේශයේ පදිංචිකරුවෙකි. අනතුර සම්බන්ධයෙන් වැලිකන්ද පොලීසිය වැඩිදුර විමර්ශන සිදුකරයි.