අධික වර්ෂා තත්ත්වය හේතුවෙන් ජනතාවට විශේෂ දැනුම්දීමක්..

ගංඟා සහ ජලාශ ආශ්‍රිත ප්‍රදේශවලට ගතවූ පැය විසිහතරක කාලසීමාව තුළ තද වැසි පතිත වී ඇති බව ආපදා කළමනාකරණ මධ්‍යස්ථානය නිවේදනය කළේ ය.

වාරිමාර්ග දෙපාර්තමේන්තුව සඳහන් කළේ පිටාර මට්ටමට පැමිණීමක් හෝ ජල ගැලීමක් පිළිබඳව මේ වනතුරුත් වාර්තා වී නොමැති බවත් පවතින තත්වය පිළිබඳව දැඩි අවධානයෙන් කටයුතු කරන ලෙසයි.

ගොඩනැගිලි පර්යේෂණ ආයතනය දැනුම් දෙන්නේ වැසි තවදුරටත් වැඩිවුවහොත් යළිත් වරක් කඳු සහ බෑවුම් ආශ්‍රිත ප්‍රදේශවල ජීවත්වන ජනතාව නායයෑම් සහ පස් කඳු කඩාවැටීම් පිළිබඳව අවධානයෙන් පසුවිය යුතු බවයි.