මෙට්‍රෝ බස් කුලියට දෙනවාද? සමාගමෙන් ජනතාවට විශේෂ දැනුම්දීමක්

මෙට්‍රෝ බස් රථ පෞද්ගලික කටයුතු සඳහා වෙන්කරවා ගත හැකි බවට සමාජ මාධ්‍ය ඔස්සේ පැතිර යන තොරතුරු සාවද්‍ය බව ලංකා මෙට්‍රෝ ට්‍රාන්සිට් සමාගම මහජනතාව වෙත දැනුම් දෙයි.

එම බස් රථ පෞද්ගලික කටයුතු සඳහා කුලියට ලබාදීම හෝ වෙන්කරවා ගැනීම සඳහා කිසිදු පහසුකමක් සමාගම විසින් සලසා නොමැති බවද එම සමාගම අවධාරණය කරයි.

එබැවින් මෙවැනි සාවද්‍ය තොරතුරුවලට නොරැවටෙන ලෙස මහජනතාවගෙන් ඉල්ලා සිටින අතර, නිවැරදි සහ නිල තොරතුරු ලබාගැනීම සඳහා ලංකා මෙට්‍රෝ ට්‍රාන්සිට් සමාගමේ නිල සන්නිවේදන මාධ්‍ය පමණක් අනුගමනය කරන ලෙසද දැනුම් දී තිබේ.