Tattoo තීන්ත වල රසායනික සංයෝග ගැන දැනුවත්ද?

අද ගොඩක් කෙල්ලෝ කොල්ලෝ tattoo ගහන්න දඟලනවා. tattoo කියන දේ ආගමක් කරගත්ත අය ඕන තරම් ඉන්නවා. හැබැයි කොච්චර ආසාවෙන් ගැහුවත් tattoo වල රසායන සංයෝගය ගැන දැනගෙන හිටියේ නැහැ නේද?.

ඇත්තටම, tattoo තීන්තවල විශේෂතා ගැන අපි දන්නේ ඉතාමත් අඩුවෙන්. tattoo තීන්තවල ප්‍රධාන කොටස් දෙක වන්නේ වාහක සහ වර්ණකයි. වාහකයන් කියන්නේ සමේ ඉහළ ස්ථරයට යටින් ඇති වර්ණක ප්‍රවාහනය කිරීමට උපකාරී වන ද්‍රාවක. මේවා සාමාන්‍යයෙන් එතනෝල් හෝ ආසෘත ජලයයි.

එතකොට, වර්ණක tattoo වල වර්ණය ලබා දෙයි. විවිධ tattoo තීන්ත පිළිබඳ අධ්‍යයනයන්හි විවිධ වර්ණක 100 කට වඩා සොයාගෙන තියෙනවා. පච්ච කෙටීමේ ක්‍රියාවලියේදී සමේ ඩර්මිස් ස්ථරයේ වර්ණක තැන්පත් කෙරෙනවා.

ඉස්සර තිබුණු පච්ච තීන්ත සඳහා ලෝහ අඩංගු වර්ණක භාවිතා කර තිබෙනවා. දීප්තිමත් රතු සඳහා සිනබාර් (රසදිය (II) සල්ෆයිඩ්) සහ කොළ සඳහා ක්‍රෝමියම් ඔක්සයිඩ් අඩංගු වුණා. ඔබ මෙම මූලද්‍රව්‍ය ගැන දන්නවා නම්, ඒවා විෂ සහිත බව නොදන්නවා වෙන්න බැහැ. නමුත් මෙම හේතුව නිසා එම ලෝහමය වර්ණක ගණනාවක් වර්තමානයේ භාවිතා කරන්නේ නැහැ.

ඒ වෙනුවට, මේ වන විට tattoo තීන්ත කාබනික (කාබන් මත පදනම් වූ) වර්ණක භාවිතා කරනවා. මෙහිදී රතු, කහ සහ තැඹිලි සඳහා azo ඩයි වර්ග සහ නිල් සහ කොළ සඳහා phthalocyanine ඩයි ඇතුළු විවිධ සංයෝග භාවිතා කරනවා. ඒ ඒ අනුව tattoo තීන්ත වර්ණකවලින් 80% ක්ම අඩංගු වන්නේ කාබනික සංයෝගයි.

සාමාන්‍යයෙන් ඔබ මුලින්ම tattoo ගහද්දී ආසාදන හෝ අසාත්මිකතා ඇතිවීමේ හැකියාව වැඩියි. ඒ වගේම tattoo තීන්තවල ඇති සංයෝග සමහර විට වෙනත් සෞඛ්‍ය ගැටළු ඇති කිරීමේ අවදානමක්ද පවතිනවා.

මෙහි සමහර සංයෝග වන්නේ බහු චක්‍රීය ඇරෝමැටික හයිඩ්‍රොකාබන (PAHs). මේවා tattoo තීන්තවල ඇති අපද්‍රව්‍ය ලෙස හඳුන්වනවා. PAHs බොහෝ දුරට කළු තීන්ත වල දක්නට ලැබෙන අතර වර්ණක නිෂ්පාදනයෙන් අපද්‍රව්‍ය වෙනවා. ඒ වගේම පිළිකා කාරකයක් වන බෙන්සෝ-[අ]-පයිරීන් වැනි සංයෝග ඒවාට ඇතුළත් වෙනවා.

ඊට අමතරව මේවාට formaldehyde (කල් තබා ගන්නා ද්‍රව්‍යයක්) සහ benzoisothiazolinone (විෂබීජ නාශකයක්) ඇතුළත් කෙරෙනවා. මේවායින් පළමුවැන්න පිළිකා කාරකයක් වන අතර දෙවැන්න සමහර පුද්ගලයින්ගේ දද, කුෂ්ට වැනි ආසාදන තත්වයන් ඇති කරනවා.

සමහර azo ඩයි වර්ග බැක්ටීරියා ක්‍රියාකාරිත්වය හේතුවෙන් හෝ සූර්යයාගේ පාරජම්බුල කිරණ හමුවේ ඇරෝමැටික ඇමයින් සාදයි. මෙම සංයෝග පිළිකා කාරක ලෙසයි හඳුන්වා ඇත්තේ.

කලින් සඳහන් කළ පරිදි, tattoo තීන්ත වර්තමානයේ බොහෝ දුරට නියාමනය කර නැහැ. නමුත්, එම තීන්තවල භාවිතා කරන රසායනික ද්‍රව්‍ය පිළිබඳ නීති රීති හඳුන්වා දීමට විවිධ රටවල් සොයා බැලීමට පටන් ගෙන තිබෙනවා. යුරෝපීය කොමිසම phthalocyanine ඩයි වර්ග ඇතුළුව tattoo තීන්තවල අඩංගු ද්‍රව්‍ය 4,000කට වඩා සීමා කිරීමට නීති සම්පාදනය කරමින් සිටින බවයි වාර්තා වන්නේ.