රට පුරා ඝාතන රැල්ලක් වාර්තා වෙයි..
දිවයින පුරා සිදුවූ ඝාතන තුනක් සම්බන්ධයෙන් පොලිස් මාධ්‍ය කොට්ඨාසයේ නිවේදනයේ සදහන්.
වීරකැටිය මොරයාය ප්‍රදේශයේදී කානිවල් එකක ඇතිවු ආරවුලකදී 32 හැවරදි දෙදරු පියෙකු පිහිපහරකට ලක්වී වීරකැටිය රෝහලට ඇතුලත් කිරීමේදී මියගොස් තවත් පස්දෙනකු තුවාලලබා රෝහල්ගතකර තිබෙනවා.
වීරකැටිය පොලිසිය මේපිලිබදව වැඩිදුර පරීක්ෂණ පවත්වන අතර සිද්ධිය සම්බන්ධයෙන් එක්පුද්ගලයකු අත්අඩංගුවට ගෙන තිබෙනවා.
මේ අතර පොතුපිටිය රඹුක, පින්නගොඩැල්ල ප්‍රදේශයේ නිවසක් අසල පුද්ගලයෙකු තුවාල සහිතව මියගොස් සිටින බවට පොලීසිය ලද තොරතුරක් මත විමර්ශන ආරම්භ කර තිබෙනවා.
එහිදී අනාවරණය වී ඇත්තේ මෙම පුද්ගලයා අසල්වැසි කාන්තාවකට අයුතු යෝජනාවක් සිදු කිරීම හේතුවෙන් එම කාන්තාවගේ පුරුෂයා තවත් පුද්ගලයින් දෙදෙනෙකු සමග පැමිණ පොලු වලින් පහර දී මෙම ඝාතනය සිදුකර ඇති බවයි.
මේ අතර ඊයේ රාත්‍රියේ රත්ගම රණපනාදෙනිය ප්‍රදේශයේ පුද්ගලයෙකු තියුණු ආයුධයකින් පහර දී ඝාතනය කර තිබෙනවා.
60 හැවිරිදි රණපනාදෙනිය රත්ගම ප්‍රදේශයේ ම පදිංචිකරුවෙක් මෙලෙස ඝාතනයට ලක් ව ඇත්තේ.
මෙම පුද්ගලයා පොල් ව්‍යාපාරිකයෙකු වශයෙන් කටයුතු කරන අතර විදෙස් ගත වී සිටින සිය බාල සොහොයුරුට අයත් වසා දමා ඇති නිවසේ සිටිය දී යම්කිසි අයෙකු විසින් පොල් උලකින් ඇන මෙම ඝාතනය සිදුකර ඇති බවට විමර්ශන වලදී අනාවරණය වුණා.
