රටේ ජනතාව බඩගින්නට දමා ගෑස් නැවකට සිදුවු දේ මෙන්න..

ලාෆ් සමාගම විසින් මෙරටට ආනයනය කළ මෙම ගෑස් නෞකාව ගෑස් ගොඩබෑම සිදුනොකර මෙලෙස ආපසු හැරී යන බවයි දැනුම් දී ඇත්තේ.

ගෑස් ගොඩබෑම සඳහා අවශ්‍ය ගෙවීම් කටයුතු සිදු කිරීමට මෙරට රාජ්‍ය බැංකුවක් විසින් ඊට අවශ්‍ය මූල්‍ය ප්‍රතිපාදන ලබා ගැනීමට සිදුකළ යුතු ණයවර ලිපි විවෘත කිරීමට අවස්ථාව ලබානොදීම හේතුවෙන් මෙම ගෑස් නෞකාව භාර ගැනීමට නොහැකි වූ බවයි ලාෆ් ගෑස් සමාගමේ සභාපති ඩබ්ලිව්.කේ.එච්. වෑගපිටිය මහතා සඳහන් කළේ.

එළඹෙන අලුත් අවුරුදු සමය වෙනුවෙන් වෙළඳපොළට ගෑස් නිකුත් කිරීමේ අරමුණින් මෙම ගෑස් නෞකාව මෙරටට ගෙන් වූ බවයි සභාපතිවරයා වැඩිදුරටත් සඳහන් කළේ.

මෙම ගෑස් නෞකාව ගොඩබෑම සඳහා අවශ්‍ය මූල්‍ය ප්‍රතිපාදන සපයා ගැනීම සඳහා දින ගණනාවක සිට බලධාරීන් සහ අදාල රාජ්‍ය බැංකුව සමඟ සාකච්ඡා කළ බව ලාෆ් ගෑස් සමාගමේ සභාපතිවරයා පවසා සිටියා.