ඩෑන් ප්‍රියසාද්ට වෙඩි තිබ්බ වෙඩික්කරු අල්ලයි..

Google Death Murder Latest Headlines Sinhala news
By Akash May 03, 2025 07:09 AM GMT
Report

සමාජ ක්‍රියාකාරිකයෙකු වන ඩෑන් ප්‍රියසාද්ව පසුගියදා වෙඩි තබා ඝාතනය කළේ ය. එම සිද්ධියට සැකපිට පුද්ගලයෙකු අත්අඩංගුවට ගෙන ඇත.

කෙසේ වෙතත්, මේ සම්බන්ධයෙන් පොලීසිය සදහන් කළේ මොහු මෙම ඝාතනයේ වෙඩික්කරු බවයි.

TikTok කරන අය පරිස්සමෙන්.. පුද්ගලික දත්ත නීතිවිරෝධී ලෙස චීනයට මාරු කරලා - මෙන්න සම්පූර්ණ කතාව

TikTok කරන අය පරිස්සමෙන්.. පුද්ගලික දත්ත නීතිවිරෝධී ලෙස චීනයට මාරු කරලා - මෙන්න සම්පූර්ණ කතාව

2025.04.22 වන දින රාත්‍රී කාලයේ වැල්ලම්පිටිය පොලිස් වසමේ සාලමුල්ල ප්‍රදේශයේ මහල් නිවාසයක් තුලදී ඩෑන් ප්‍රියසාද් යන අයට යතුරු පැදියකින් පැමිණි නාඳුනන පුද්ගලයින් දෙදෙනෙකු විසින් වෙඩි තබා පලා ගොස් තිබු අතර වෙඩි වැදීමෙන් තුවාල ලැබූ ඩෑන් ප්‍රියසාද් යන අය කොළඹ ජාතික රෝහලට ඇතුලත්ව ප්‍රතිකාර ලබමින් සිටියදී 2025.04.22 වන දින රාත්‍රී කාලයේ මිය යන ලදී.

මෙම ඝාතනය සම්බන්ධයෙන් බස්නාහිර පළාත් දකුණු දිසා අපරාධ කොට්ඨාසය හා වැල්ලම්පිටිය පොලිස් ස්ථානය මඟින් වැඩිදුර විමර්ශන ආරම්භ කර තිබූ අතර 2025.04.24 වන දින සිද්ධියට සම්බන්ධ එක් සැකකරුවෙකු අත්අඩංගුවට ගෙන රක්ෂිතබන්ධනාගාර ගතකර ඇත.

පුද්ගලයන් ලියාපදිංචි කිරීමේ දෙපාර්තමේන්තුවෙන් විශේෂ නිවේදනයක්

පුද්ගලයන් ලියාපදිංචි කිරීමේ දෙපාර්තමේන්තුවෙන් විශේෂ නිවේදනයක්

ඒ අනුව බස්නාහිර පළාත් දකුණු දිසා අපරාධ කොට්ඨාසයේ නිලධාරීන් කණ්ඩායමක් විසින් සිදු කරන ලද විමර්ශනයේදී අනාවරණය කර ගත් තොරතුරු මත වැටලීමක් සිදුකර 2025.05.02 වන අද දින සවස් කාලයේ කුරුඳුවත්තපොලිස් වසමේදී මෙම වෙඩි තැබීම සිදුකල ප්‍රධාන සැකකරු අත්අඩංගුවට ගෙන ඇත.

සැකකරු වයස අවුරුදු 52 ක් වන වෑබඩ උතුර, වෑබඩ ප්‍රදේශයේ පදිංචිකරුවෙකි. මෙම සැකකරු ඉහත මරණකරුගේ සොහොයුරාගේ ඝාතනයටද සම්බන්ධ සැකකරුවෙකු වන අතර බස්නාහිර පළාත් දකුණු දිසා අපරාධ කොට්ඨාසය වැඩිදුර විර්මශන සිදුකරනු ලබයි.