පාසල් බස් රථ අනතුරකින් දෙදෙනෙක් මරුට (විදෙස්)

පාසල් බස් රථ අනතුරකින් දෙදෙනෙකු මියගොස් තවත් පස් දෙනෙකු බරපතල තුවාල ලබා තිබෙන බව විදෙස් මාධ්‍ය පවසනවා ඉදිරිපස ටයරයේ දෝෂයක් හේතුවෙන් මෙම අනතුර නිව්යෝර්ක් නුවරදි සිදුව තිබෙනවා.

බස් රථය ලෝන්ග් අයිලන්ඩ් සිට තූර්ය වාදක කඳවුරකට සිසුන් රැගෙන යමින් සිටියදී වවයන්ඩර් නගරය ආසන්නයේදී මාර්ගයෙන් ඉවතට පැන අනතුරට ලක්ව ඇති බව විදෙස් මාධ්‍ය වාර්තා කරනවා.

බසයේ 44 දෙනෙකු සිට ඇති අතර ඔවුන් ප්‍රතිකාර සඳහා ප්‍රාදේශීය රෝහල් හයකට රැගෙන ගොස් තිබෙනවා. මියගිය පුද්ගලයන් දෙදෙනා 43 , 77 වියේ පසුවන්නන්.

බස් රථයේ සිටි බොහෝ සිසුන් අවුරුදු 14ක් 15ක් පමණ වයසැති අය වන බවත් ඔවුන් සියලු දෙනා සුන්බුන්වලින් මුදා ගැනීමට විනාඩි 45ක කාලයක් පමණ ගත වූ බවත් වාර්තා වනවා