පාසලක වෙඩි තැබීමකින් කුඩා දරුවන් ඇතුළු, 6 දෙනෙක් ජිවිතක්ෂයට..20 කට අධිකව තුවාල ලබයි..(විදෙස්)

මධ්‍යම රුසියාවේ ඉෂෙව්ස්ක් නගරයේ පාසලක තුවක්කුකරුවෙකු වෙඩි තැබීමකින් අවම වශයෙන් පුද්ගලයින් හය දෙනෙකු මිය ගොස් 20 දෙනෙකු පමණ තුවාල ලබා ඇති බව අභ්‍යන්තර කටයුතු අමාත්‍යාංශය ප්‍රකාශ කළේය.

"වෙඩි තැබූ පුද්ගලයාගේ සිරුර දැන් පොලිසිය විසින් සොයාගෙන ඇත. වාර්තා වලට අනුව ඔහු සියදිවි නසාගෙන ඇත. මේ වන විට ඔහුගේ ක්‍රියාවෙන් හය දෙනෙකු මිය ගොස් 20 ක් පමණ තුවාල ලබා ඇත," අමාත්‍යාංශය Telegram හි ප්‍රකාශ කළේය. මියගිය අය අතර කුඩා දරුවන් සිටින බව ආණ්ඩුකාර ඇලෙක්සැන්ඩර් බ්‍රෙචලොව් තහවුරු කළේය.