හිටපු අමාත්ය උදය ගම්මන්පිල නිදොස් කොට නිදහස්
ඔස්ට්රේලියානු ජාතික ව්යාපාරිකයෙකුට අයත් සමාගම් කොටස් අයුතු ආකාරයට පරිහරණය කර රුපියල් මිලියන 21ක් සාපරාදී විශ්වාසය කඩ කළ බවට චෝදනා ලබා සිටි හිටපු අමාත්ය උදය ගම්මන්පිල මහතා නිදොස් කොට නිදහස් කරන ලෙස කොළඹ මහාධිකරණය නියම කර ඇති බව වාර්තා වේ.
මෙම තීන්දුව දීර්ඝ අඩු විභාගයකින් පසුව කොළඹ මහාධිකරණ විනිසුරු නදී අපර්නා සුවඳුරුගොඩ මහත්මිය ලබා දුන් බව සඳහන්.
එසේම තීන්දුව ප්රකාශයට පත් කරමින් විනිසුරුවරිය පවසා ඇත්තේ විත්තිකරුට එරෙහිව පැමිණිල්ල විසින් ඉදිරිපත් කළ චෝදනා සාධාරණ සැකයෙන් ඔබ්බට ඔප්පු වී නොමැති බවයි.
එබැවින් විත්තිකරු නිදොස් කොට නිදහස් කරන බවත් නියෝගයේ සඳහන් විය.
ඔස්ට්රේලියානු ජාතික ව්යාපාරිකයකු වන බ්රයන් ෂැඩික් නමැත්තාට අයත් සමාගම් කොටස් ව්යාජ ඇටෝනි බලපත්ර හැකි යොදාගෙන අලෙවි කිරීමෙන් රුපියල් මිලියන 21ක සාපරාදී විශ්වාසය කඩ කළ බවට චෝදනා කරමින් උදය ගම්මන්පිල මහතාට එරෙහිව පසුගිය යහපාලන රජය සමයේ මෙම නඩුව ගොනුකර ඇත.
