සියල්ලන්ටම රහසේ පුංචි පුතු ඝාතනය කර මවත් අවසන් ගමන් යයි..

තේ වත්තක ලයින් කාමරයක තිබී රත්නපුර ඇළපාත කෙහෙල්ඕවිටිගම ප්‍රදේශයේ දී, එක්දරු මවකගේ සහ ඇයගේ කුඩා පුතුගේ මළ සිරුරු සොයාගෙන ඇත.

එම කාන්තාව විසින් සිය පුතු ඝාතනය කර අනතුරුව සියදිවි හානිකරගෙන ඇති බවටයි, පොලීසිය සැකපළ කරන්නේ.

මෙලෙස මියගොස් ඇත්තේ 21 හැවිරිදි වියේ පසුවූ එක්දරු මවක් සහ වයස අවුරුදු 02ක කුඩා පිරිමි දරුවෙකි.

ඇයගේ සැමියා මීට දින කිහිපයකට පෙර නිවසින් පිටව ගොස් ඇති බවයි, පොලීසිය සිදුකළ පරීක්ෂණවලදී හෙළිවී ඇත්තේ.එම මරණ සම්බන්ධයෙන් මහෙස්ත්‍රාත් පරීක්ෂණය සිදුකර තිබේ.

මෘත දේහයන් පිළිබඳව පශ්චාත් මරණ පරීක්ෂණය සිදුකිරීම සඳහා රත්නපුර ශික්ෂණ රෝහල වෙත යොමුකර ඇත. ඇළපාත පොලීසිය සිද්ධිය සම්බන්ධයෙන් වැඩිදුර විමර්ශන ආරම්භ කර ඇත.