මැති ඇමතිවරුන්ට ඉන්ධන මිල අඩුයිද..? විදුලිබල හා බලශක්ති ඇමතිගෙන් විශේෂ ට්විටර් පණිවිඩයක්..!

විදුලි බල හා බලශක්ති අමාත්‍ය කංචන විජේසේකර මහතා විශේෂ ට්විටර් පණිවිඩයක් නිකුත් කරමින් මැති ඇමතිවරුන්ට ඉන්ධන මිල වැඩි වීම සම්බන්ධයෙන් ප්‍රකාශයක් සිදු කර තිබේ.

එම පණිවිඩය,

"මහජනතාවගේ කලකිරීම සහ කෝපය මට තේරෙන අතර, මන්ත්‍රීවරුන්ට සහනාධාර ඉන්ධන මිල දී ඇති බවට හුවමාරු වන පෝස්ට් අසත්‍ය වේ. දැනට මහජනතාවට ලබා දී ඇති වෙළෙඳපොළ මිලට වඩා සහනාධාර මිලට කිසිදු පාර්ශ්වයක හෝ කිසිවකුට හෝ කිසිදු මන්ත්‍රීවරයකුට ලබා දී නැත"

"පොලිස් ගරාජයේ ඩිස්පෙන්සරයේ ප්‍රදර්ශනය කර ඇති මිල ගණන් පිළිබඳව පරීක්ෂණයක් පවත්වන ලෙස මම ඛනිජ තෙල් නීතිගත සංස්ථාවට උපදෙස් දී ඇති අතර අද පාර්ලිමේන්තුවේදී ප්‍රකාශයක් සිදු කරමි. ගිලන්රථ අත්‍යාවශ්‍ය සේවා හැර වෙනත් කිසිවකුට ඉන්ධන පිරවුම්හල්වල වරප්‍රසාද දීර්ඝ නොකරනු ඇත."