ජපුර සරසවියෙන් අධ්‍යයන කටයුතු ආරම්භය ගැන නිවේදනයක්.

ශ්‍රී ජයවර්ධනපුර විශ්වවිද්‍යාලය විසින් නිවේදනයක් නිකුත් කර තිබෙනවා.

එම නිවේදනයට අනුව ශ්‍රී ජයවර්ධනපුර විශ්වවිද්‍යාලයේ මානව ශාස්ත්‍ර හා සමාජ විද්‍යා පීඨයේ අධ්‍යයන කටයුතු 2022 ජනවාරි මස 1 වන දින ආරම්භ කරන බව එම විශ්වවිද්‍යාලයේ ලේඛකාධිකාරී කාර්යාලය සඳහන් කර තිබෙනවා.

අධ්‍යයන පොදු සහතික පත්‍ර උසස් පෙළ 2020 විභාගයේ ප්‍රතිඵල මත මානව ශාස්ත්‍ර හා සමාජ විද්‍යා පීඨයට ලියාපදිංචි වී ඇති නවක සිසුන්ගේ නම්‍යකරණ වැඩසටහන ජනවාරි මස 1 වන දින සහ 2 වන දිනයන්හි මාර්ගගත (ඔන්ලයින්) ක්‍රමය ඔස්සේ පැවැත්වෙනවා.

ඒ සඳහා අවශ්‍ය තොරතුරු http://fhss.sjp.sc.lk යන පීඨ වෙබ් අඩවියෙන් ලබාගත හැකි.

තව ද සියලුම වසරවල සිසුන් සඳහා දේශන 2022 ජනවාරි මස 3 වනදා සිටි ආරම්භ කිරීමට නියමිත බව ද එම නිවේදනයේ වැඩි දුරටත් දැක්වෙනවා.