දක්ෂිණ අධිවේගී මාර්ගයෙන් වාර්තා වු භයානක රිය අනතුර.. 5 දෙනෙකු රෝහල්වෙ

  දක්ෂිණ අධිවේගී මාර්ගයේ අද පස්වරු තුනට පමණ පින්නදුව පිවිසුම හා බද්දේගම පිවිසුම අතර 92.60 කිලෝමීටර් කනුව ආසන්නයේදී කොළඹ දෙසට ගමන් ගත් මෝටර් රථයක් මාර්ගයෙන් ඉවතට පැන ආරක්ෂිත වැටේ වැදීමෙන් පසු ඊට පිටුපසින් පැමිණි තවත් මෝටර් රථයක් එහා ගැටී අනතුරක් සිදු වුණා.

මේ හේතුවෙන් මෝටර් රථවල ගමන් ගත් වයස අවුරුදු 13 ක දරුවෙකු සමග කාන්තාවන් 02 ක් සහ පිරිමි 03 ක් ඇතුළු පස්දෙනකු තුවාල ලබා බද්දේගම සහ කරාපිටිය රෝහල්වලට යවා ඇතැයි පින්නදුව දක්ෂිණ අධිවේගී පොලිස් මුරපොළ පවසන්නේ.

තුවාල ලැබූවන් අතුරුගිරිය සහ මතුගම ප්‍රදේශවල පදිංචිකරුවන් වන අතර ඔවුන් කතරගම සිට ආපසු නිවෙස් බලා යමින් සිටියදී මෙම අනතුරට මුහුණපා තිබෙනවා.

සිද්ධිය සම්බන්ධයෙන් පින්නදුව දක්ෂිණ අධිවේගී පොලිස් ස්ථානය වැඩිදුර පරීක්ෂණ සිදු කරනවා.