උදෑසනම, ප්‍රකට පාසලක නියෝජ්‍ය විදුහල්පතිවරයෙකුට වෙඩි ප්‍රහාරයක්.
අද (26) උදෑසන අම්බලන්ගොඩ - රන්දොබේ ප්‍රදේශයේ වෙඩි තැබීමක් සිදුකර තිබෙනවා.
එම වෙඩි තැබීමෙන් අම්බලන්ගොඩ ධර්මාශෝක විද්‍යාලයේ නියෝජ්‍ය විදුහල්පති දනුක සොයිසා මහතා තුවාල ලබා තිබෙනවා.
කෙසේවෙතත්, තුවාල ලැබූ ඔහු ප්‍රතිකාර සඳහා රෝහල්ගත කර තිබෙනවා.
මේ අතර, ඊයේ (25) රාත්‍රී වතුගෙදර - ආදාදොල ප්‍රදේශයේ වෙඩි තැබීමක් සිදු වී තිබෙනවා.
නමුත් එහිදී වෙඩික්කරුට ඉලක්කය වැරදි ඇති බව අම්බලන්ගොඩ පොලීසිය සඳහන් කළේ ය.
මූලික පරීක්ෂණවලින් අනාවරණය වී ඇත්තේ, අම්බලන්ගොඩ කෝටිපති ව්‍යාපාරික හැළඹගේ පේමසිරි ඝාතනයේ ප්‍රධාන සැකකරු ඉලක්ක කර මෙම වෙඩි තැබීම සිදුකර ඇති බවයි.
ඔහු අසල්වාසී නිවසක පැවති මඟුල් ගෙයක් සදහා සිය පුතා සමග යතුරු පැදියෙන් යමින් සිටිය දී මෙම වෙඩි තැබීම සිදුකර තිබෙන්නේ.
යතුරු පැදියකින් පැමිණි නාදුනන තුවක්කුකරුවන් දෙදෙනකු මේ වෙඩි තැබීම සිදුකර ඇති අතර වෙඩි ප්‍රහාරයට ලක් වූ පුද්ගලයා යතුරු පැදියෙන් පැන සිය දරුවා සමග ඒ අසල වෙලකට පැන දිවි ගලවා ගෙන ඇත.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන WhatsApp,වෙත පිවිසෙන්න... |
