මහපොළව නුහුලන අපරාධයකින් අවසන් ගමන් යන ෆාතිමාගේ මරණය සම්බන්ධයෙන් වන නවතම තොරතුර..

ගම්පොළ ප්‍රදේශයේ දී තරුණියක් ඝාතනය කිරීමේ සිද්ධියට සම්බන්ධ සැකකරු රක්ෂිත බන්ධනාගාර ගත කර තිබෙනවා. පොලීසිය පැවසුවේ 24 හැවිරිදි සැකකරු ගම්පොළ මහෙස්ත්‍රාත් අධිකරණයට ඉදිරිපත් කිරීමෙන් අනතුරුව ලබන 25 වනදා දක්වා රක්ෂිත බන්ධනාගාර ගත කර ඇති බවයි. සැකකරු විසින් ලබාදුන් ප්‍රකාශයක් මත ඝාතනයට ලක්වු‍ තරුණියගේ මළසිරුර ඊයේ (13) ගොඩගනු ලැබුවා. ඝාතනය කර වළ දමා තිබූ ගම්පොළ ඇල්පිටිය ප්‍රදේශයේ පදිංචි ෆාතිමා මුනවුවරා නැමැති 22 හැවිරිදි තරුණියගේ පශ්චාත් මරණ පරීක්ෂණය ද අද (14) මහනුවර ජාතික රෝහලේ අධිකරණ වෛද්‍ය නිලධාරී ශිවසුබ්‍රමණියම් මහතා විසින් සිදුකරනු ලැබූ අතර ගෙල සිරකිරීමෙන් එම මරණය සිදුව ඇති බවත් ඇය දූෂණයට ලක්ව නොමැති බවත් වෛද්‍ය වාර්තා වේ සඳහන් වී තිබෙනවා. ඇගේ ගමේ ම පදිංචි 24 හැවිරිදි විවාහක එක්දරු පියකු විසින් තරුණියව ඝාතනය කර හොර රහසේ වළ දමා තිබූ බවයි නිවසේ සිට සේවා ස්ථානය වෙත යමින් සිටියදී මෙම තරුණිය දින 6ක් පුරා අතුරුදන්ව සිට ඇති අතර පසුව අනාවරණය වූයේ. ඇය මාර්ගයේ ගමන් කරමින් සිටියදී මොහු ඇයට අයුතු යෝජනාවක් කර කැළයට ඇදගෙන යාමට උත්සාහ කළ බවයි ඒ පිළිබඳව පරීක්ෂණ පැවැත්වූ ගම්පොළ පොලීසිය අනාවරණය කරගෙන තිබුණේ. තරුණිය එයට අකමැති වී ඒ බව පියාට පවසන බව පැවසීම හේතුවෙන් එම පුද්ගලයා ෆාතිමාගේ ගෙල මිරිකා ඇති බවත් එයින් ඇය බිම වැටුණු පසු ඇයගේ කුඩයෙන් බෙල්ලට ඇන ඇති බවත් හෙළි වී තිබෙනවා. තරුණිය ඝාතනය කර වළදැමූ බවට පාපොච්චාරණයක් ඝාතන සැකකරු විසින් සිදුකර තිබුණා. මියගිය තරුණියගේ දේහය පිළිබඳ අවසන් කටයුතු අද (14) සිදුකෙරුණා.