"..ක්ලබ් වසන්තට කළ දේ උඹටත් කරනවා.." තවත් ප්‍රභලයෙකුට පෝස්ටර්, කළුතෙල් ගසා දැඩි මරණ තර්ජන..(PHOTOS)
කැකිරාව පොලීසිය සඳහන් කළේ, ‘ක්ලබ් වසන්තට කළ දේ උඹටත් කරනවා‘. යැයි පවසා මරණ තර්ජන එල්ල කරමින් කැකිරාව සෞඛ්‍ය වෛද්‍ය නිලධාරීවරයාට එරෙහිව තර්ජනාත්මක පොස්ටර් ගසා එම කාර්යාලයට කලුතෙල් ප්‍රහාරයක් එල්ලකර ඇති බවයි.
පොලීසිය පවසන්නේ, සිද්දිය සම්බන්ධයෙන් කැකිරාව සෞඛ්‍ය වෛද්‍ය නිලධාරී කාර්යාලය මඟින් කැකිරාව පොලිස් ස්ථානයට සිදු කළ පැමිණීල්ලකට අනුව පරීක්ෂණ අරඹා ඇති බවයි.
කැකිරාව සෞඛ්‍ය වෛද්‍ය නිලධාරීවරයාට කැකිරාවෙන් ඉවත්ව යන ලෙසත්, එසේ නොවුනහොත් ක්ලබ් වසන්තට අත්වූ ඉරණම තමන්ටද අත්වනු ඇතැයි එහි අලවා ඇති පෝස්ටර්වලින් කියැවේ.
සැකකරුවන් විසින් එහි ගොඩනැගිලි 03කට කලුතෙල් ප්‍රහාර එල්ලකර තිබිණි.
කැකිරාව සෞඛ්‍ය වෛද්‍යවරයා විසින්, රුපියල් කෝටි ගණනක් වටිනා වස මිශ්‍රබව කියන පාන්පිටි තොගයක් අත්අඩංගුවට ගැනීම හා කිරි ආශ්‍රිත නිෂ්පාදන කර්මාන්ත ශාලාවක් සම්බන්ධයෙන් මෙන්ම සෞඛ්‍ය වෛද්‍ය නිලධාරී කාර්යාලය මගින් අත්අඩංගුවට ගෙන තිබූ ආහාර ද්‍රව්‍ය තොගයකට හානි කිරීම සම්බන්ධන්ධයෙන් නීතිඥවරුන් දෙදෙනෙකු ට එරෙහිව යනාදී වශයෙන් විශේෂනඩු කිහිපයක්ද ඉකුත් දිනවලදී අධීකරණයේ ගොනුකර තිබිණ.
මේ වනවිට එම නඩු විභාග වෙමින් ඇති පසුබිමක කැකිරාව සෞඛ්‍ය වෛද්‍ය නිලධාරීවරයාට මෙලෙස මරණ තර්ජන එල්ලව තිබේ.
