වැලවත්තේදී ගොඩනැගිල්ලක 08 වන මහලෙන් ඇදවැටී තරුණයෙක් මියයයි..

ගාලුපාර, වැල්ලවත්ත ප්‍රදේශයේ පිහිටි මහල් ගොඩනැඟිල්ලකින් වැටී පුද්ගලයෙක් ජීවිතක්ෂයට පත්ව ඇති බව වාර්තා වනවා.

මෙලෙස ජීවිතක්ෂයට පත්ව ඇත්තේ එම ගොඩනැඟිල්ල ඉදිකිරීම් කටයුතු සිදුකරමින් සිටි සේවකයෙක් බවයි පොලිසිය පවසන්නේ.

පොලිසිය වැඩිදුරටත් පැවසුවේ, මෙම පුද්ගලයා ඊයේ (13) සවස් කාලයේ එම ගොඩනැඟිල්ලේ 08 වන මහලෙන් ඇඳ වැටී ඇති බවයි.

මියගිය පුද්ගලයා 34 හැවිරිදි කරඳගොල්ල ප්‍රදේශයේ පදිංචි අයෙක් බවයි වාර්තා වන්නේ.

මෙම පුද්ගලයාගේ මෘත ශරීරය කොළඹ ජාතික රෝහලේ තැන්පත් කර ඇති අතර, පශ්චාත් මරණ පරීක්ෂණය සිදු කිරීමට නියමිතයි.