වයෝවෘද්ධ මවකට ඉතා අමානුෂික ලෙස පහර දුන් ලේලියට සිදු වූ දේ..

වයෝවෘද්ධ මවකට යාපනය - කොඩිකාමම් ප්‍රදේශයේදී පහරදුන් කාන්තාව සම්බන්ධයෙන් පොලිසිය පරීක්ෂණ ආරම්භ කර තිබේ.

කොඩිකාමම්, මන්ඩුවිල් නැගෙනහිර ප්‍රදේශයේ නිවසකදී වයෝවෘද්ධ කාන්තාවකට ලේලිය විසින් පහරදෙන අයුරු දැක්වෙන වීඩියෝවක් සමාජ මාධ්‍ය ජාල තුළ සංසරණය විය.

මේ සම්බන්ධයෙන් ශ්‍රී ලංකා මානව හිමිකම් කොමිසමේ යාපනය ප්‍රාදේශීය කාර්යාලයට දැනුම් දී ඇති අතර ඒ පිළිබඳව ඔවුන් පොලීසිය දැනුවත් කර ඇත.

ඉන් අනතුරුව කොඩිකාමම් පොලීසිය විමර්ශනයක් ආරම්භ කර පහරදුන් කාන්තාව අත්අඩංගුවට ගෙන තිබේ.

පරීක්ෂණවලින් අනතුරුව එම කාන්තාව චාවකච්චේරි මහෙස්ත්‍රාත් අධිකරණයට ඉදිරිපත් කිරීමට පියවර ගෙන තිබුණි.