මාරයා විලසින් ආ පෙම්වතා, පෙම් කළ පෙම්වතියට කළ හදිය.

ඊයේ (08) සවස වෙලම්බොඩ මුස්ලිම් මහා විද්‍යාලයේ පැවති අපොස සාමාන්‍ය පෙළ විභාගය අවසන් වී නිවෙස බලා යමින් සිටි 17 හැවිරිදි සිසුවියකට තරුණයෙක් විසින් පිහියකින් ඇණ තිබෙනවා.

ඒ ඇයගේ පෙම්වතා බව කියන තරුණයකු විසින් දැන්පිටිගම ප්‍රදේශයේ අතුරු මාර්ගයක දී ය. 

ඔහු පිහියකින් ඇන තුවාල සිදු කර පලාගොස් ඇති බව වෙලම්බොඩ පොලිසිය පැවසීය.

තුවාල ලැබූ පාසල් සිසුවිය මුලින්ම බඹරදෙණිය රෝහලට ඇතුළත් කර වැඩිදුර ප්‍රතිකාර සඳහා පසුව ගම්පොළ රෝහලට ඇතුළත් කර ඇත.

මෙම සිසුවිය සහ ඇයගේ පෙම්වතා බව කියන තරුණයා අතර ඇතිව තිබූ ආරවුලක් මත මෙවැන්නක් සිදු කර ඇතැයි මුලික පොලිස් පරීක්ෂණවලදී අනාවරණය වී ඇත.

කෙසේවෙතත්, එම තරුණයා අත්අඩංගුවට ගැනීමට වෙලම්බොඩ පොලිසිය පරීක්ෂණ පවත්වයි.