තවත් මනුෂ්‍ය ඝාතනයක් - දෙදෙනෙක්ට බරපතල තුවාල.

රත්නපුර ප්‍රදේශයේ දෙපිරිසක් අතර ඇති වූ ගැටුමකින් පුද්ගලයෙකු මියගොස් ඇත.

එමෙන්ම තවත් පුද්ගලයන් දෙදෙනෙකු  බරපතල තුවාල ලබා තිබෙනවා.

මෙලෙස මියගොස් ඇත්තේ 65 හැවිරිදි අයෙක් වන අතර තුවාල ලැබුවන් වයස අවුරුදු 36 සහ 37 යන වයස්වල පසුවන්නන් වේ.

තුවාල ලැබූ පුද්ගලයන් දෙදෙනා මරණකරුගේ පුත්‍රයන් වන අතර කලක සිට පැවති ඉඩම් ආරවුලක් මෙම සිද්ධියට මූලික වී ඇත.

එසේම සිද්ධියට අදාළව සැකකාරියන් දෙදෙනෙක් සහ සැකකරුවෙක් පොලිසිය විසින් අත්අඩංගුවට ගෙන තිබෙනවා.

ඔවුන් දෙදෙනා වයස අවුරුදු 18 සහ 65 යන වයස්වල පසුවන අතර සැකකරු වයස අවුරුදු 48ක පුද්ගලයෙක් වේ.