තවත් බිහිසුණු මිනිස් ඝාතනයක්.

ඊයේ (16) රාත්‍රියේ, කළුතර පලාතොට, ගොඩපරගහහේන ප්‍රදේශයේ මාර්ගයක දී තියුණු ආයුධයකින් කපා කොටා පුද්ගලයකුව ඝාතනය කර තිබෙනවා.

කළුතර දකුණ පොලීසිය සඳහන් කළේ, මෙසේ ඝාතනයට ලක්ව ඇත්තේ කළුතර, පලාතොට, ගොඩපරගහහේන ප්‍රදේශයේ පදිංචි සුජිත් ධර්මසේන නමැති 43 හැව්රිදි අවිවාහකයකු බවයි.

මියගොස් ඇති තැනැත්තා නිවස ආසන්න මාර්ගයේ ඇවිදයමින් සිටිය දී හිස සහ ගෙල ප්‍රදේශයට තියුණු ආයුධ පහරවල් කිහිපයකින් එල්ල වී තිබෙනවා.

විමර්ශනවල දී අනාවරණය වී ඇත්තේ, පෞද්ගලික ආරවුලක් මුල්කර ගනිමින් ඝාතනය සිදුකර ඇති බවයි.