බස් රථයක් සහ කැබ් රථයක් මුහුණට මුහුණ ගැටී සිදු වූ අනතුර.

අද (02) පස්වරුවේ මොණරාගල - වැල්ලවාය මාර්ගයේ මදුරුකැටිය ප්‍රදේශයේ දී ලංගම බස් රථයක් සහ පුද්ගලික කැබ් රථයක් එකිනෙක මුහුණට මුහුණලා ගැටී තිබෙනවා.

එම සිදු වූ අනතුරින් කැබ් රථයේ රියදුරු තුවාල ලබා මොණරාගල දිස්ත්‍රික් මහ රෝහලට ඇතුළත් කර ඇත.

මෙසේ අනතුරට ලක්ව ඇත්තේ මොණරාගල දෙස සිට වැල්ලවාය දෙසට ගමන් කරන ලද බස් රථයක් සහ වැල්ලවාය දෙස සිට මොනරාගල දෙසට ගමන් කරන ලද කැබ් රථයක් ය.

කෙසේ වෙතත්, කැබ් රථය පැද වූ රියදුරුගේ අපරික්ෂාකාරී රිය ධාවනය නිසා මෙම අනතුරට හේතුව බව මොනරාගල පොලිසිය සඳහන් කළේ ය.