ත්‍රීරෝද රථයක් අඩි 100ක පමණ ප්‍රපාතයකට පෙරෙලී යයි - කුඩා ළමයෙකු ඇතුළු සිව්දෙනෙකුට බරපතල තුවාල.. (PHOTOS)
අද (09) මස්කෙලිය නෝටන්බ්‍රිජ් ප්‍රධාන මාර්ගයේ මස්කෙලිය හපුගස්තැන්න ප්‍රදේශයේ දි මාර්ගයෙන් ඉවතට පැන ත්‍රිරෝද රථයක් අඩි 100 පමණ ප්‍රපාතයට පෙරලී අනතුරක් සිදු විය.
එම ත්‍රිරෝද රථයේ ගමන් ගත් කුඩා ළමයෙකු ඇතුළු සිව්දෙනෙක් බරපතල තුවාල ලබා මස්කෙලිය ප්‍රාදේශිය රෝහලට ඇතුලත් කර තිබෙනවා.
පසුව තුවාලකරුවන් වැඩිදුර ප්‍රතිකාර සදහා දික්ඔය මුලික රෝහල වෙත මාරු කර යවා ඇත.
මෙසේ අනතුරට ලක්ව ඇත්තේ මාරතැන්න ප්‍රදේශයේ අවමංගල්‍ය උත්සවයකට පැමිණ අවමංගල්‍ය උත්සවයට අවශ්‍ය ද්‍රව්‍ය නගරයෙන් මිල දි ගෙන ආපසු යමින් සිටි එකම පවුලේ පිරිසක් ය.
මිගමුව ප්‍රදේශයේ පදිංචිකරුවන් පිරිසක් වන මොවුන් නෝටන්බ්‍රිජ් ටෙබර්ටන් දක්වා ධාවනය කරන අවස්තාවේ දී මෙම අනතුර සිදු වි තිබෙන්නේ.
මූලික විමර්ශනවල දී අනාවරණය වී ඇත්තේ අධික වේගයෙන් ධාවනය වි ඇති ත්‍රිරෝද රථයේ වේගය පාලනය කරගත නොහැකිව මෙම අනතුර සිදු වි ඇති බවයි.
කෙසේ වෙතත්, අනතුරෙන් ත්‍රිරෝද රථයට දැඩි අලාභ හානි සිදු වි තිබෙනවා.
