බස් රථයක් මාර්ගයෙන් ඉවතට පැන විදුලි කණුවක් කඩා ගෙන යයි - සිදු වූ බිහිසුණු අනතුරේ නවතම තත්ත්වය..

අද (17) දෙණියායේ සිට කොළඹ බලා ගමන් ගත් පෞද්ගලික බස් රථයක් වාද්දුව පොතුපිටිය ප්‍රදේශයේදී මාර්ගයෙන් ඉවතට පැන අනතුරක් සිදු ව ඇත.

එම බස් රථයේ පාපුවරුවේ ගමන්ගත් කොන්දොස්තරවරයා බරපතළ තුවාල ලබා රෝහල්ගත කර තිබෙනවා.

එම අනතුරින් නිවාස දෙකක තාප්පයකට සහ ගේට්ටුවකට සම්පූර්ණයෙන්ම හානි සිදු වී ඇත.

එමෙන්ම බස් රථය විදුලි කණුවක් සහ දුරකථන කණුවක් කඩාගෙන ගොස් තිබෙනවා.

මෙම අනතුර සිදුවන අවස්ථාවේ මගීන් සුළු පිරිසක් පමණක් බස් රථයේ සිට ඇත.

මේ අතර පොලිසිය සැක කරන්නේ අධික වේගය හේතුවෙන් මෙම අනතුර සිදු වන්නට ඇති බවයි.

කෙසේ වෙතත්, බස් රථයට දැඩි හානි සිදු වී ඇති බව වාර්තා වේ.