ටිපර් රථයක් හා යතුරුපැදියක් එකිනෙක ගැටෙයි - දෙදෙනෙක් ජිවිතක්ෂයට..

අද (21) දහවල් අනුරාධපුර - විලච්චිය මාර්ගයේ දී ටිපර් රථයක් හා යතුරුපැදියක් එකිනෙක ගැටී අනතුරක් සිදු විය.

එම අනතුරින් එකම පවුලේ මවක් හා දියණියක් ජීවිතක්ෂයට පත් විය.

ඒ රාජාංගණය, දාහතර කොළනියේ පදිංචිව සිටි අවුරුදු 36ක දෙදරු මවක් හා අවුරුදු 9ක ඇයගේ දියණියයි.

අනුරාධපුර පොලිසිය සඳහන් කළේ ජීවිතක්ෂයට පත් මෙම දෙදරු මව රාජාංගණය ප්‍රදේශයේ විද්‍යාලයක ගුරුවරියක් බවයි.

අනුරාධපුර, ජයන්ති මාවත ඔස්සේ ජයන්ති වටරවුම දෙසට ධාවනය වෙමින් තිබූ යතුරුපැදිය පිටුපසින් පැමිණි ටිපර් රථයක ගැටීමෙන් මෙම අනතුර සිදුව තිබෙනවා.

මේ වන විට ටිපර් රථයේ රියැදුරු හා එම ටිපර් රථය අත්අඩංගුවට ගෙන ඇත.

සැකකරු වැඩිදුර විමර්ශනවලින් අනතුරුව අධිකරණයට ඉදිරිපත් කිරීමට නියමිතයි.

කෙසේ වෙතත්,  අනතුර සම්බන්ධයෙන් වැඩිදුර පරීක්ෂණ අනුරාධපුර පොලිසිය විසින් සිදු කරනු ලබයි.