වන අලි පහරදීමකින් අවාසනාවන්ත ලෙස පුද්ගලයෙක් මියයයි.(PHOTOS)

අනුරාධපුර - නොච්චියාගම ගාලදිවුල්වැව නෙළුම්තොට්ටුම ප්‍රදේශයේදී වන අලියෙකු සිදු කළ පහරදීමකින් පුද්ගලයකු ජීවිතක්ෂයට පත්ව තිබෙන අවාසනාවන්ත පුවතක් වාර්තා වනවා.

තලාව කුමාරඑළිය ප්‍රදේශයේ පදිංචි 46 හැවිරිදි දෙදරු පියෙක් , මෙලෙස ජීවිතක්ෂයට පත්ව ඇති බවයි පැවසෙන්නේ.

ඔහු වෘත්තියෙන් කිරි ගොවියකු වන අතර, රාත්‍රී කාලයට ගවගාලේ ආරක්ෂාව වෙනුවෙන් ඒ අසල පැලක රැදී සිටින බවයි සඳහන් වන්නේ.

අප වාර්තාකරු සඳහන් කළේ, ඊයේ (07) දින තම පැලට ආසන්නයේ පිහිටි කොහුමෝලක නවාතැනක් පිටුපසදී මෙලෙස වන අලි පහරදීමට ලක්වී ඇති බවයි.

රෝහල් ආරංචි මාර්ග සඳහන් කළේ, වන අලි පහරදීමෙන් බරපතල තුවාල ලැබූ මෙම පුද්ගලයා නොච්චියාගම රෝහලට ඇතුලත් කර ඇති අතර, ඒ වන විටත් ඔහු මිය ගොස් සිට ඇති බවයි.

සිද්ධිය සම්බන්ධයෙන් ගාලදිවුල්වැව පොලිසිය වැඩිදුර පරීක්ෂණ සිදු කරයි.

මීට අදාල ඡායා රූපයන් පහතින්,