රෝහල් ඖෂධ ගබඩාවක ගින්නක්

වැල්ලව පොලිස් වසමේ හිරිපිටිය ප්‍රාදේශීය රෝහලේ ඖෂධ ගබඩාවේ ගින්නක් හටගෙන ඇති බවට ලද තොරතුරකට අනුව විමර්ශනයක් ආරම්භ කර තිබෙනවා.

ඊයේ (01) දිනයේ දී මෙම සිදුවීම සිදුව ඇති අතර, සිදු කරන ලද විමර්ශනවල දී හෙළිව ඇත්තේ ඖෂධ ගබඩාවේ රාක්කයක් අසල ප්‍රධාන විදුලි පේනුව ගිනිගෙන ඇති බවයි.

ගින්නෙන් ඖෂධ ගබඩාවේ සුළු කොටසකට හානි සිදුව තිබෙනවා. සිද්ධිය සම්බන්ධයෙන් වැල්ලව පොලිසිය වැඩිදුර විමර්ශන ක්‍රියාත්මකයි.