සමහරු කාලා ඇති - සමහරු කාලා නැති Zucchini.

සමහරු කාලා ඇති...සමහරු කාලා නැති Zucchini " සුක්කීනි ගැන තමයි මේ කියන්න යන්නේ. සුකිනි නොහොත් " Courgette" කියන්නේ රසවත් එළවළුවක්. ලංකාවට නම් පෙනුමෙන් ටිකක් වෙනස් කෑමක් වෙන්න පුළුවන්. ඒ වුණාට සාමාන්‍ය කඩවල් වල වගේම සුපිරි වෙළෙඳසැල් වලින් මිලදී ගන්න පුළුවන්.

History

? අපි "සුක්කීනි" එළවළුවක් වගේ කෑවට උද්භිද විද්‍යාවට අනුව නම් මේක පළතුරක්.

? ඇමරිකාව නිජබිම් කරගෙන ආරාම්භ වී ඇති සුක්කීනි පසුව ඉතාලියේ ප්‍රසිද්ධ වී ඇති බව සඳහන්.

? වට්ටක්කා හා ග්‍රීන් කියුකම්බර් ( green cucumber ) වල එකතුවක් ලෙසත් සමහරු මෙය හඳුන්වනවා.

? ඒ, Zucchini වල වට්ටක්කා මෙන් මාංශ පිහිටා තිබීමත් කියුකම්බර් මෙන් හැඩයක් හා මධ්‍යගතව බීජ පිහිටා තිබිමත් හේතුවෙන්.

? ඉතාලි භාශාවෙන් " ද්සුක්කිනි" ( zucchini ") ලෙසත් ආරාබි භාශාවෙන් " කූසා" ලෙසත් මෙය හදුන්වනු ලබනවා .

? යුරෝපයේ ,ඇමරිකාවේ, ඕස්ට්‍රේලියාවේ මෙන්ම මැදපෙරදිග රටවලත් ඉතාමත් ප්‍රසිද්ධ එළවලුවක් වන සුක්කීනි අතීතයේ කොළ පැහැයෙන් පමණක් තිබූ බව සඳහන්.

? නමුත් අද වන විට අඩු වැඩි කොළ පැහැයෙන් මෙන්ම කහ පැහැයෙන් හා විවිධ හැඩයෙන් ද දකින්න ලැබෙනවා.

? ඒ දෙමුහුන් තාක්ෂණය භාවිතා කර නව නිෂ්පාදනයන් සිදු කර ඇති නිසයි.

වතගොත

? සාමාන්‍යයෙන් සුක්කීනි ගසක් අඩි 2 1/2 පමණ උසට වැඩෙනවා.

? වට්ටක්කා මෙන් හැඩැති පත්‍ර පිහිටා ඇති අතර ගසක් වුවද වැලක් මෙන් පහලට නම්‍යශීලීව වැඩෙනවා.

? හොඳින් වැඩුණු සුක්කීනි ගසක් මාස 4ක් පමණ හොඳින් ඵලදාවක් ලබා දෙනවා .

? උෂ්ණ දේශගුණයක වැඩෙන සුක්කීනි ශාකය ඕනෑම ප්‍රදේශයකට ඔරොත්තු දෙනවා .

? පහසුවෙන් වගා කළ හැකි මෙය බොහෝ ඵලදාවක් ලබා ගතහැකි එළවලුවක් .

? සුකිනි රසවත් මෙන්ම ගුණවත් බවින් ඉහළයි.

? මේවායේ තන්තු සහ විටමින් B - complex , B6,B1 ,B2 ,B3 සහ ඛනිජ ලවණ , මැග්නීසියම් , වලින් අනූන වන අතර අඩු කැලරි ප්‍රමාණයක් හා කොලොස්ටරෝල් හා මේදයෙන් තොරයි.

? සම ආරක්ෂා කරන ගුණයක් හා හදවතට ගුණ දෙන සුක්කීනි ශරිරයේ විෂ ඉවත් කරන්න වගේම රුධිර පීඩනය සමනය කිරිමටත් උදව් වෙනවා.