මෙරට ජාතික ක්‍රිකට් කණ්ඩායමේ අනාගත තරුවක් රිය අනතුරකින් මිය යයි..(PHOTOS)
ජාතික ක්‍රිකට් කණ්ඩායමේ අනාගත තරුවක් බවට පෙරනිමිති පහළ කළ විශිෂ්ට යොවුන් දඟපන්දු යවන්නකු වූ මාතලේ සාන්ත තෝමස් විදුහල් පිලේ හිටපු ක්‍රිකට් නායක දුෂ්මන්ත සිතුල් විජේසේකර පෙරේදා (09) දින අලුයම සිදු වූ රිය අනතුරකින් අවාසනාවන්ත ලෙස ජීවිතයෙන් සමුගැනීමේ පුවතක් වාර්තා වනවා.
19 හැවිරිදි දුෂ්මන්ත රිය අනතුරට ලක් වූයේ රාත්‍රී ප්‍රිය සාදයකට සහභාගි වී සිය මිතුරන් සමඟ ජීප් රථයකින් ආපසු එමින් සිටියදීයී.
රියැදුරුට ජීප් රථය පාලනය කර ගැනීමට නොහැකිව එය මාතලේ පලාපත්වල මාර්ගය අසල ගසක ගැටී එම අනතුර සිදුවී තිබූ අතර, තුවාල ලැබූ ඔහුගේ මිතුරන් රෝහල්ගත කර තිබෙනවා.
පසුගිය ජනවාරියේදි අ.පො.ස. උසස් පෙළ විභාගයට පෙනී සිටි ඔහු වසර 2021/2022 දී සාන්ත තෝමස් විදුහලේ ජ්‍යෙෂ්ඨ ශිෂ්‍ය නායකයකු ද වූ මෑත කාලයේදී එම විදුහලෙන් බිහි වූ විශිෂ්ටතම ක්‍රිකට් ක්‍රීඩකයෙකු ද වෙනවා.
අවාසනාවන්ත ලෙස ජීවිතයෙන් සමුගත් දුෂ්මන්තගේ අවසන් කටයුතු ඊයේ (10) දින සිදු කරනු ලැබුවා.
