උදේට එළාම් එක තියාගෙන නැගිටින අයට අත්වන භයානක ප්‍රතිපල ගැන දැන සිටියාද?

හැමෝම පුරුදුවෙලා ඉන්නේ උදේට එළාම් එක තියාගෙන නැගිටින්න. සමහරු ඇහැරෙන්නේ නැතිවෙයි කියලා හිතලා උදේ 3.00 - 4.00 විතර ඉඳලා පැයෙන් පැයට එළාම් තියනවා. ඇත්තටම මේ පුරුද්ද ඔබේ කායික සහ මානසික සෞඛ්‍යට අහිතකර ලෙස බලපෑම් එල්ල කරන බව දන්නවද?

⏰ එලාර්ම් ඔරලෝසු වලින් නිකුත් වන ඝෝෂාකාරී ශබ්දය ඔබව හදිසියේම අවදි කරවනවා. එය ඔබේ හදවතට හානිකර කරන්න පුළුවන්. එමෙන්ම රුධිර පීඩනය වැඩිවීමට හේතු විය හැකි අතර ඔබේ ආතති මට්ටම් ද වැඩි කරනවා.

⏰ ඒ විතරක්ම නෙවෙයි එසේ හදිසියේ නැඟිටීම නින්දේ අවස්ථිති භාවයට සහ මානසික හා ශාරීරික ක්‍රියාකාරිත්වය අඩුවීමට හේතු විය හැකියි.

⏰ එමෙන්ම ඇමරිකානු වෛද්‍ය සංගමයේ ජර්නලයට අනුව, මෙම තත්වය තුළ අවදි වීම මතකයට සහ සංජානන හැකියාවන්ට බලපානවා. 

ඔබ හිතන්න පුළුවන් එළාම් එක නැතිව නැගිටින්න බෑනේ කියලා. ඉතින් ඊට වෙනත් විසඳුම් තියෙනවද?

⏰ පර්යේෂකයන් පෙන්වා දෙන්නේ සෑම දිනකම එලාර්ම් එකක් නොමැතිව නිදා ගැනීමට සහ එකම වේලාවට නැඟිටීමට උත්සාහ කිරීමෙන් ස්ථාවර නින්දේ පුරුද්දක් ඇති කර ගැනීමට ඔබට හැකි බවයි.

⏰ ඔබට වඩාත් සන්සුන් ශබ්ද සහිත හෝ සූර්යයාගේ දීප්තිය අනුකරණය කරන ආලෝකය මත පදනම් වූ එලාම් ඔරලෝසු භාවිතා කරන්න පුළුවන්.

⏰ ඒ වගේම තිර රෙදි විවෘත කර තැබීම හෝ හිරු එළිය සෘජුවම වදින ස්ථානයක ඔබේ ඇඳ ස්ථානගත කිරීම හොඳයි. එතකොට ඉර උදාවත් එක්කම නැගිටින්න පුළුවනි.

⏰ පැය 8ක් නිදාගන්න පුරුදු වෙන්න. එය පුරුද්දක් කරගන්න වගේම උදේම නැගිටින්න ඕන නම් රෑ එළිවෙනකන් නිදි වරන්නේ නැතිව වේලාසනින් නිදාගන්න.