වසර 48කට පසු ලෝක ශූරයන්ට අත්වූ අවසනාවන්ත ඉරණම

බටහිර ඉන්දීය කොදෙව් කණ්ඩායම ට 2023 ක්‍රිකට් ලෝක කුසලාන තරගාවලියට සහභාගීවීමේ අවස්ථාව අහිමිවෙයි.

ඒ අද (1) පැවති ලෝක කුසලාන අවසන් තරගාවලිය සඳහා සුදුසුකම් ලැබීමේ තරගවල සුපර් සික්ස් වටයේ තරගයකින් ස්කොට්ලන්තයට කඩුලු 7කින් පරාජය වීම හේතුවෙනි.

තරගයේ කාසියේ වාසිය දිනාගැනීමට ස්කොට්ලන්ත ය සමත්වූ අතර ඔවුන් පළමුවෙන් පන්දුවට පහරදීමේ අවස්ථාව කොදෙව් කණ්ඩායමට ලබා දුන්නා.

ඒ අනුව පළමුවෙන් පන්දුවට පහරදුන් බටහිර ඉන්දීය කොදෙව් කණ්ඩායම පන්දුවාර 43යි පන්දු 5ක් තුළ සියලුදෙනා දැවී රැස් කරගත්තේ ලකුණු 181ක් පමණි.

ඒ අනුව තරගය ජයගැනීම සඳහා ස්කොට්ලන්ත කණ්ඩායමට හිමිවූ ඉලක්කය ලකුණු 182කි. ලකුණු 182ක ඉලක්කය හඹාගිය ස්කොට්ලන්ත කණ්ඩායම පන්දුවාර 43යි පන්දු 3ක් අවසානයේ කඩුලු 3ක් දැවී ජයග්‍රහණය වාර්තා කළේය.