අද සිට දිවයින පුරා කාලගුණයේ වෙනසක්.. විශේෂයෙන් මේ ප්‍රදේශ වලට..

අද (06) දිනය තුළ දිවයිනේ බොහෝ ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතින බව කාලගුණ විද්‍යා දෙපාර්තමේන්තුව නිවේදනය කර සිටිනවා.

මේ අනුව එම දෙපාර්තමේන්තුව සඳහන් කළේ, මධ්‍යම, සබරගමුව සහ ඌව පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල උදෑසන කාලයේ දී මීදුම් සහිත තත්ත්වයක් අපේක්ෂා කළ හැකි බවයි.

කෙසේවෙතත් මධ්‍යම සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල පසුගිය දින වල උදෑසන කාලයේ පැවති මීදුම් සහිත තත්ත්වය අද දිනයේ තරමක අඩුවක් දක්නට ලැබෙන බවයි අප වාර්තාකරුවන් පැවසුවේ.