දිවයින පුරා වැසි තත්ත්වයේ වෙනසක්..හෙට සිට වෙනදේ මෙන්න..

උතුරු, උතුරු-මැද, නැගෙනහිර සහ ඌව පළාත්වල පවතින වියළි කාලගුණ තත්ත්වයේ වෙනස්වීමක් හෙට (27) දින සිට අපේක්ෂා කරන බව කාලගුණ විද්‍යා දෙපාර්තමේන්තුව අද (26) නිවේදනයක් නිකුත් කරමින් පවසනවා.

එහි වැඩිදුරටත් දැක්වෙන්නේ අද දිනයේ දිවයිනේ ප්‍රධාන වශයෙන් වැසි රහිත කාලගුණ තත්ත්වයක් පවතිනු ඇති බවයි.

මේ අතර, අද උදෑසන කාලයේදී නුවරඑළිය දිස්ත්‍රික්කයේ ඇතැම් ස්ථානවල මල්තුහින ඇතිවීමේ හැකියාවක් ද පවතින බව එම නිවේදනයේ සදහන් වේ.

මධ්‍යම, සබරගමුව, බස්නාහිර සහ ඌව පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථානවල උදෑසන කාලයේදී මීදුම් සහිත තත්ත්වයක් අපේක්ෂා කර බව කාලගුණ විද්‍යා දෙපාර්තමේන්තුව පවසයි.

Sponsored By Sarrita Jewellery