ට්‍රැක්ටරයක් පෙරළී 15 හැවිරිදි දරුවෙකුට දිවි අහිමි වූ බිහිසුණු අනතුර - (PHOTOS)
ඊයේ(01) සවස වවුනියාව,පූවරසන්කුලම,මඩුකුලම වැව් බැම්මේ ගමන්ගත් ට්‍රැක්ටරයක් පෙරළීමෙන් වයස අවුරුදු 15 ක දරුවෙකු ජිවිතක්ෂයට පත්ව ඇති බව පූවරසන්කුලම පොලිසිය පවසනවා.
දරුවන් දෙදෙනා ට්‍රැක්ටරයේ පසුපස පෙට්ටියේ ගමන්ගත් අවස්ථාවේ ට්‍රැක්ටරය වැව් බැම්මෙන් පෙරළී ගොස් ඇති බවයි, පොලිසිය පැවසූවේ.
එහිදි පූවරසන්කුලම ප්‍රදේශයේ පදිංචි එස්.සදූෂන් නමැති දරුවෙකු ජිවිතක්ෂයට පත්ව ඇති අතර අනතුරින් තුවාල ලැබූ වයස අවුරුදු 15 ක් වන දරුවන් දෙදෙනෙකු වවුනියාව රෝහලට යොමුකොට ඇති බවද පොලිසිය පැවසූහ.
තුවාල ලැබු අනෙක් දරුවාද බරපතල තුවාල ලබා වවුනියාව රෝහලේ ප්‍රතිකාර ලබමින් සිටියි. පොලිසිය පැවසුවේ, ට්‍රැක්ටර රථයේ රියදුරුට ට්‍රැක්ටර රථය පාලනය කර ගැනීමට නොහැකිවීමෙන් ට්‍රැක්ටර රථය වැව් බැම්මෙන් පෙරළී ගොස් ඇති බවයි.
සිද්ධියට අදාළ ට්‍රැක්ටර රථ රියදුරු අත්අඩංගුවට ගෙන ඇති අතර, සිද්ධිය සම්බන්ධයෙන් පූවරසන්කුලම පොලිසිය වැඩිදුර පරීක්ෂණ මෙහෙයවයි.
