රසිකයන් හමුවේ සියලු ඔටුනු බිම තැබූ කෝලි,ලෝකේෂ් රාහුල් යටතේ වැඩ අරඹයි..(PHOTOS)

සංචාරක ඉන්දීය ක්‍රිකට් කණ්ඩායම සහ දකුණු අප්‍රිකාව අතර තරග 03 කින් සමන්විත එක්දින තරගාවලිය මෙහෙයවීමේ වගකීම මේ වනවිට හිමිව ඇත්තේ ආරම්භක පිතිකරු කේ.එල්. රාහුල්ටයි.

ඒ ඉන්දීය එක්දින කණ්ඩායමේ නායකයා ලෙස කටයුතු කළ විරාට් කෝලි එම වගකීමෙන් ඉවත් කිරීමට පසුගිය දා තීරණය කිරීමත් සමඟයි.

ඒ අනුව ලෝකේශ් රාහුල් යටතේ විරාත් කෝලි ක්‍රීඩා කිරීමට නියමිත අතර ලබන 19, 21 සහ 23 යන දිනයන්හි දී තරගාවලිය පැවැත්වීමට නියමිතව තිබෙනවා.

විරාත් කෝලි පසුගිය 20-20 ලෝක කුසලානයෙන් අනතුරුව 20-20 නායකත්වයට සමුදුන් අතර පසුව ඉන්දීය ක්‍රිකට් පාලක මණ්ඩලය කෝලි එක්දින නායකත්වයෙන් ද ඉවත්කරනු ලැබුවා.

ඉන් පසු දකුණු අප්‍රිකාව සමඟ පැවති ටෙස්ට් තරගාවලිය 2-1 ක් ලෙස ඉන්දීය කණ්ඩායම පරාජයවීමෙන් අනතුරුව කෝලි නැවතත් ටෙස්ට් නායකත්වයෙන් ද සමුදීමට තීරණය කළා. 

 කෙසේ වෙතත් කෝලි ටෙස්ට් නායකත්වයෙන් සමුගන්නා විට ඉන්දීය කණ්ඩායම මෙහෙය වූ සාර්ථකම ටෙස්ට් නායකයා ලෙසටයි වාර්තා පොත් අලුත් වී තිබුණේ.