වාහන සිහිනය සැබෑ කරගත හැකි අලුත්ම ක්‍රමය මෙන්න..
Aruna
in ව්යාපාරිකනීත්යානුකූලව මාර්ගයෙන් මුදල් ශ්‍රී ලංකාවට එවන විදේශ රැකියාවල නිරත ශ්‍රමිකයන් ඔවුන් විසින් ප්‍රේෂණය කරන මුදල සලතා ප්‍රතිආරෝපණ දෙමුහුන් වාහනයක් ආනයනය කිරීමට බලපත්‍රයක් ලබාදීමට කැබිනට් පත්‍රිකාවක් ඉදිරිපත් කරන බව කම්කරු හා විදේශ රැකියා අමාත්‍ය මනුෂ නානායක්කාර මහතා සඳහන් කරයි.
මේ වන විට වාහන ආනයනය කර ඇති බැවින් මේ වන විට විශේෂ අවසරය විදේශගතව සේවය ශ්‍රමිකයන්ට පමණක් හිමිවන බවද සඳහන් කළේය.
ප්‍රධාන විදුලි පද්ධතියෙන් බැහැරව සූර්ය බලශක්තියෙන් ආරෝපණය කල හැකිවන වාහනවලට මෙම බලපත්‍රහ හිමිවේ.
අමාත්‍යවරයා මෙම අදහස් ප්‍රකාශකලේ ජපානයේ ජාත්‍යන්තර බඳවාගැනීම් එජන්සිය (IRO) සහ, ශ්‍රී ලංකා විදේශ සේවා නියුක්ති කාර්යාංශය විසින් ක්‍රියාත්මක කරන ජපානයේ රැකියා අවස්ථා ලබාදීමේ වැඩසටහන යටතේ ජපානය බලා පිටත්වන ශ්‍රමිකයන් 12 දෙනෙකුගෙන් යුත් රැකියාලාභීන් පිරිසක් හා ඊශ්‍රායලයේ රැකියා සඳහා පිටත්ව යන 4 දෙනෙකුගෙන් සමන්විත පිරිසක් අමතමින්.
ශ්‍රී ලංකාවේ බැංකු මාර්ගයෙන් විදේශ ප්‍රේෂණ කරන මුදල් ප්‍රතිශතය අනුව ඉතා අඩු පොළි ප්‍රමාණයක් මත ණය දීමේ වැඩසටහනක් රාජ්‍ය හා පෞද්ගලික බැංකු සමඟ සාකච්ඡා කර සකස් කර ඇති බවද අමාත්‍යවරයා සඳහන් කළේය.
විදේශගත ශ්‍රමිකයන්ගේ නිවාස සිහිනය සැබෑ කිරීමට කටයුතු කරන බවද මනුෂ නානායක්කාර මහතා වැඩිදුරටත් සඳහන් කළේය.
සිව්දෙසින් ගලා එන තොරතුරු සැමට කලින්, එසැනින් දැන ගන්න පුවත් WhatsApp,වෙත පිවිසෙන්න.... |
