අනෙ අම්මපා මෙහෙමත්.. ගුරුවරු සෙට් එකක් ගංජත් අරන් ට්‍රිප් එකක් ගිහින්..
krishani
in ශ්‍රී ලංකාවගිරිඋල්ල අධ්‍යාපන කලාපයේ ක්‍රීඩා ගුරුවරු පිරිසක් ගමන් ගත් බස් රථයක සඟවාගෙන සිටි ගංජා පාර්සලයක් හමු වී තිබෙනවා.
අද (24) මහනුවර, ගලගෙදර පොලිස් මාර්ග බාධකයේ දී සිදුකළ විශේෂ වැටලීමකදී සැකකාර ගුරුවරුන් දෙදෙනෙකු සමග ගංජා පාර්සලය අත්අඩංගුවට ගත් බව පොලිසිය සඳහන් කළේ ය.
මෙම ගංජා පාර්සලය හමු වී ඇත්තේ අස්ගිරිය පොලිස් නිල සුනඛ කොට්ඨාසයේ සුනඛ ''හෙන්ඩ්‍රි'' යොදවා සිදුකළ පරීක්ෂාවේ දී ය.
එම ගුරුවරු පිරිස රාජකාරි නිවාඩු මත ගිරිඋල්ල සිට මන්දාරම් නුවර බලා යමින් සිටි බව පවසා තිබෙනවා.
පොලීසිය සඳහන් කළේ යුක්තිය මෙහෙයුමට සමගාමීව මෙම වැටලීම සිදුකළ බවයි.
මීට පෙර දිනක ද කඩුගන්නාවේ දී සිදුකළ මෙහෙයුමකදී කොළඹ සිට බස්රථයක සඟවාගෙන ආ නීතිවිරෝධී මත්පැන් බෝතලයක් අත්අඩංගුවට ගෙන තිබෙනවා.
ඒ නිල සුනඛ ''හෙන්ඩ්‍රි'' ගේ සහය ගෙන ය.
කෙසේ වෙතත්, අස්ගිරිය පොලිස් නිල සුනඛ කොට්ඨාසයේ අධ්‍යක්ෂ ජ්‍යෙෂ්ඨ පොලිස් අධිකාරී කාංචන ගොඩකුඹුරගේ උපදෙස් මත මෙම මෙහෙයුම සිදු කෙරුණේ ය.
