බෙලිඅත්ත පංච පුද්ගල ඝාතනයට සම්බන්ධ තවත් දෙදෙනක් කොටුවෙයි. - (VIDEO)
Wayomi
in ශ්‍රී ලංකාවබෙලිඅත්ත පංච පුද්ගල ඝාතනයට ආධාර අනුබල දීමේ චෝදනා යටතේ සැකකරුවන් දෙදෙනෙකු ගාල්ල වංචාවල ප්‍රදේශයේදී අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ ගාල්ල ප්‍රදේශයේ පදිංචි වයස අවුරුදු 25ක් සහ 35ක් වන පුද්ගලයින් දෙදෙනෙක්.
පසුගියදා අපේ ජනබල පක්ෂයේ නායක සමන් පෙරේරා නොහොත් රෝයල් බීච් සමන් ඇතුළු පුද්ගලයින් පස්දෙනෙකු මෙම වෙඩිතැබීමෙන් ඝාතනයට ලක්වුණා.
මෙම සැකකරුවන් අත්අඩංගුවට ගන්නා අවස්ථාවේදී ඔවුන් සතුව හෙරොයින් ග්‍රෑම් 09යි මිලි ග්‍රෑම් 300 ක්, යතුරුපැදියක්, ජංගම දුරකථන 03ක් සහ උල් පිහියක් තිබී සොයාගෙන ඇති අතර වැඩිදුර විමර්ශන කටයුතු සඳහා ගාල්ල වරාය පොලිස් ස්ථානයට භාරදී තිබෙනවා.
මෙහිදී 2024.01.22 වන දින සමන් පෙරේරා (රෝයල් බීච් සමන්) ඇතුළු පුද්ගලයින් පස්දෙනා වෙඩිතබා ඝාතනය කිරීම සඳහා සංවිධානාත්මක අපරාධකරුවකු හා මත්ද්‍ර‍ව්‍ය ජාවරම්කරුවකු වන ඌරගහ මයිකල් නමැත්තා සමග තංගල්ල අධිකරණය අසලදී ප්‍ර‍හාරයක් එල්ල කිරීමට මෙම සැකකරුවන්ද අදාළ සැලසුම් සකස් කළ බවත්, කොස්ගොඩ සුජී නමැත්තා විසින් මෙම මයිකල් නැමැත්තා හට ඝාතන කොන්ත්‍රාත්තුව ලබාදී ඇති බවටත් මෙම සැකකරුවන් මගින්ද තොරතුරු අනාවරණය කර ගෙන ඇති බව සඳහන්.
