දියුණුවේ මඟ හොයන්න ඔහොම ඉඳලා බැහැ.

සාර්ථක දිවිපෙවතක් ගෙවන්න හැමෝම වගේ හීන දකිනවා.ඔය අතර ඔබේ සාර්ථකත්වයට අකුල් හෙළන අයත් නැතුවම නෙවෙයි. වටෙපිටේ ඉන්න හැමෝම හදන්නේ එයාලගේ ජීවිතය සාර්ථකයි කියලා පෙන්වන්න. හැබැයි කියන තරම් නම් එයාලගේ ජීවිත සාර්ථක නැහැ. ජීවිතය කියන්නේ මුදල් නෙවෙයි වුණත් ජීවත් වෙන්න මුදල් ඕන. එහෙමයි කියලා බල්ලෝ මරලා හරි සල්ලි හොයන්න යන්න එපා. ඔයාගේ path එක මේ විදිහට වෙනස් කරගන්න බලන්න.

🗝️ හැමෝටම හැමදේකින්ම සාර්ථක වෙන්න බැහැ. මොකද එකිනෙකාට සාර්ථක වෙන්න තියෙන මාර්ග හරි වෙනස්. ඒ නිසා අනිත් අය යන මාර්ගයේම යන්නේ නැතිව ඔබේ දක්ෂතාවයට, හැකියාවට අනුව ඔබේ මාර්ගයක් කපාගන්න.

🗝️ වටේ ඉන්න කවුරු හරි සාර්ථක වෙලා ඉන්නවා දකිද්දී හිතනවා "මමත එයා වගේ සාර්ථක වෙන්න ඕන" කියලා. හැබැයි එහෙම හිතුවා, ඒක එතනින් ඉවරයි. ඒත් ඔබ මතක් තියාගන්න සිතුවිලක් ආ පමණින් සාර්ථක වෙන්න බැහැ කියලා.ඒ නිසා හැමවෙලේම සාර්ථකත්වය ගැනම හිතන්න. ඒ වෙනුවෙන් කැපවෙන්න, වෙහෙසෙන්න.

🗝️ වැඩක් කරන්න ගත්තට පස්සේ ඔයාට කම්මැලි හිතෙනවද? කම්මැලිවෙලා නම් සාර්ථක වෙන්න බැහැ. ඒ විතරක් නෙවෙයි සමහරු ඉන්නවා වැඩක් කරන්න ගත්තම වැඩ ගොඩක් බදා ගන්නවා. ඊට පස්සේ එකක්වත් කරගන්න බැහැ. එතකොට කොහොමද ඉතින් සාර්ථක වෙන්නේ? ඒ නිසා එක වැඩක් ඉවර කරලා අනෙක් වැඩේට අත ගහන්න. - කෙනෙකුගේ සාර්ථකත්වයට අවංකකම හොඳටම බලපානවා.මුලින්ම අවංක වෙන්න ඕන තමන්ටමයි. කෙනෙක් තමන්ටම අවංක වෙනවා නම් හරි ඉක්මනින් සාර්ථක වෙන්න පුළුවන්.

🗝️ ඔබේ ගමනට වැඩකට නැති බාධක ඕන තරම් එන්න පුළුවන්. නැකත්, වෙලාවල්, පවා ඔබේ ගමනට බාධා කරනවා. ඒ විතරක් නෙවෙයි එකිනෙකාගේ මතයන් සමඟ සටන් කරන්න ඔයාට සිදු වෙයි. හැබැයි සැලෙන්න එපා. ඔයා ඔයාගේ මතයට ඇහුම්කන් දෙන්න. කාගෙවත් පදයට නටලා ඔයාගේ ජීවිතය සාර්ථක කරගන්න බැරි බව මතක තියාගන්න.

🗝️ ගොඩක් අය කරන වැරද්දක් තමයි සාර්ථක වෙන්න Shortcut හොයන එක. හැබැයි මතක තියාගන්න මොන දේට Shortcut තිබ්බත් සාර්ථකත්වයට Shortcut නැහැ. අනික සාර්ථකත්වයට යන්න Shortcut හොයන්න ගියොත් වෙන්නේ ඉන්න තැනිනුත් පහළට වැටෙන්නේ. ඒකෙන් වෙන්නේ ඔබේ කාලය කා දැමීමක් පමණයි.

🗝️ සාර්ථකත්වය කරා යන ගමනේ ඔබේ වටෙපිටේ ඉන්න අය බලන් ඉන්නේ ඔබේ කකුලෙන් අදින්න. කේලම් පතුරවමින් ඔබ මහන්සියෙන් හදාගත්ත නම නැති කරන්න තමයි වටේ ඉන්න ගොඩක් අය උත්සහ ගන්නේ. ඒ නිසා ඔයා වටේ ඉන්න අය සමඟ ගනුදෙනු කිරීමේදී හොඳ අවබෝධයක් තියාගන්න.