මෙරටින් හමු වූ මිල කළ නොහැකි පළිඟු මැණික.
Wayomi
in ශ්‍රී ලංකාවමෙරටින් විශාල කැරට් අගයකින් මෙන්ම ඉහළ කෞතුක වටිනාකමකින් යුතු මිල කළ නොහැකි පළිඟු මැණිකක් හමු වී තිබෙනවා.
පසුගියදා අවිස්සාවේල්ල ප්‍රදේශයේ පතලකින් හමු වූ මෙම විශාල ප්‍රමාණයේ පළිඟු මැණික කිලෝ විසි දෙකක බරින් යුක්ත වන බවයි මැණික පරීක්ෂා කළ, මැණික් සහ ස්වර්ණාභරණ අධිකාරියේ නිලධාරීන් කියා සිටියේ.
එමෙන්ම මෙම මැණිකෙහි කැරට් අගය එක්ලක්ෂ දසදහසක් වන බවත්, මෙම පළිඟු මැණික අනෙක් පළිඟු මැණික්වලට වඩා දුර්ලභ වන්නේ එහි අභ්‍යන්තරයේ දිය බුබුළක් පිහිටා තිබීම බවත් ඔවුන් පේනවා දෙනවා.
එමෙන්ම මැණික් සහ ස්වර්ණාභරණ අධිකාරිය සඳහන් කරන්නේ, මෙය දුර්ලභ ගණයේ පාෂාණයක් වන බැවින් එහි කෞතුක වටිනාකම ඉහළ අගයක් ගන්නා බවත්, පළිඟු මැණිකෙහි මූල්‍යමය වටිනාකම තවමත් ගණනය කරමින් සිටින බවත්ය.
පසුගියදා (03) එම මැණිකෙහි හිමිකරු විසින් මැණික් හා ස්වර්ණාභරණ අධිකාරිය වෙත මෙය භාර දී ඇති අතර එහි ආරක්ෂාව තහවුරු කිරීම හා මැණික් හා ස්වර්ණාභරණ අධිකාරිය හරහා ජාත්‍යන්තර වෙළෙඳපොළට අලෙවි කිරීමට බලාපරොත්තු වන බවයි වාර්තා වන්නේ.
