දින දෙකකට පෙර අතුරුදන් වූ තිදරු පියෙකුගේ සිරුරක් සොයාගැනේ. - (PHOTOS)

පසුගිය 28 වෙනිදා කනතලේ කණ්ඩලෙයි පොකුණේ මසුන් ඇල්ලීමට ගිය පුද්ගලයෙකුගේ මළසිරුරක් අද (30) අලුයම සොයාගෙන තිබෙනවා .

එලෙස මියගොස් ඇත්තේ, කන්තලේ, වේවසිරි ගම ප්‍රදේශයේ පදිංචි 40 හැවිරිදි තිදරු පියෙක්.

එම පුද්ගලයා පසුගිය 28 වැනිදා සවස තනිව මසුන් ඇල්ලීම සඳහා කණ්ඩලෙයි පොකුණට ගිය බවත් පසුවදා උදෑසන ඔහු නිවසට නොපැමිණි බවට ඥාතීන් පොලිසියට පැමිණිලි කර තිබෙනවා.

මෙම පැමිණිල්ලෙන් පසු පොලිසිය සහ මහජනතාව එක්ව සෝදිසි මෙහෙයුමක නිරත වූ අතර අද (30) පෙරවරුවේ පොකුණු ඉවුරේ සිට මීටර් 100ක් පමණ දුරින් එම පුද්ගලයාගේ සිරුර සොයාගෙන ඇති බවයි අප වාර්තාකරු සඳහන් කළේ.

සිද්ධිය සම්බන්ධයෙන් කණ්ඩලෙයි පොලිසිය වැඩිදුර විමර්ශන ක්‍රියාත්මක කර තිබෙනවා.     

                                                                             Sponsored By Sarrita Jewellery