වහාම ක්‍රියාත්මක වන පරිදි රෝහල් වලට යළි හමුදාව කැඳවයි .(PHOTOS)
Aruna
in ශ්‍රී ලංකාවරෝහල්වල වැඩකටයුතු සිදුකිරීම සඳහා අවශ්‍යතාවන් අනුව සහාය වීමට ත්‍රිවිධ හමුදාව යොදවන බව ආරක්ෂක අමාත්‍යංශය සදහන් කර සිටිනවා.
යුද්ධ හමුදාධිපති ලුතිනන් ජෙනරාල් විකුම් ලියනගේ උපදෙස් ලබාදි ඇත්තේ, දිවයින පුරා රජයේ රෝහල් වල සෞඛ්‍ය වෘත්තීය සමිති 72 ක් විසින් ඉල්ලීම් කිහිපයක් මුල්කර ගනිමින් ක්‍රියාත්මක කරනු ලබන වැඩ වර්ජනය හේතුවෙන් අඩාල වූ රෝහල් කටයුතු බාධාවකින් තොරව සමාන්‍ය පරිදි පවත්වාගෙන යාම සඳහා සෞඛ්‍ය අමාත්‍යංශය විසින් ආරක්ෂක අමාත්‍යාංශයෙන් සිදුකල ඉල්ලීමට අනුව අවශ්‍යතාවය පරිදි යුද්ධ හමුදා භටපිරිස් යොදවන ලෙසයි.
ඒ අනුව දැනට බටහිර, නැගෙනහිර, මධ්‍යම සහ වන්නි ආරක්ෂක සේනා ආඥාපතිවරුන්ගේ අධීක්‍ෂණය යටතේ කොළඹ සහ මහනුවර ජාතික රෝහල් කලුබෝවිල, කරාපිටිය, මහමෝදර, පේරාදෙණිය, අනුරාධපුර සහ කුරුණෑගල ශික්ෂණ රෝහල් ද මාතර, බලංගොඩ, ඇහැළියගොඩ, නාවලපිටිය, බදුල්ල, ගම්පොල, මීරිගම, හෝමාගම සහ කෑගල්ල ඇතුළුව රෝහල් 26 ක දෛනික කටයුතු බාධාවකින් තොරව අඛණ්ඩව පවත්වාගෙන යාම සඳහා යුද්ධ හමුදා භට පිරිස් යොදවා ඇත.
මේවන විට එම රෝහල් වල අවශ්‍යතාවයන් අනුව යුද්ධ හමුදාවේ 700 කට ආසන්න භටපිරිස් ප්‍රමාණයක් යොදවා ඇති බවයි පැවසෙන්නේ.
හදිසි අවශ්‍යතාවයක් ඇති වුවහොත් ඒ සඳහා යෙදවීමට අමතර භටපිරිස් සූදානම් කරන ලෙසත් වෘත්තීය ක්‍රියාමාර්ග හේතුවෙන් මහජනතාවට සිය දෛනික කටයුතු කිසිදු බාධාවකින් තොරව පවත්වාගෙන යාමට අවශ්‍ය සියලුම පියවර ගන්නා ලෙසයි.
