මෙරට දිනවීමේ බලාපොරොත්තුවෙන් තරුෂි අද ඔලිම්පික් තරග බිමට..

. 'පැරිස් 2024' ඔලිම්පික් උළෙලේ ශ්‍රී ලංකාවේ ප්‍රධාන බලාපොරොත්තුවක් වන තරුෂි කරුණාරත්න සහභාගී වන කාන්තා මීටර් 800 ඉසව්වේ මූලික වටයේ තරග අද පැවැත්වීමට නියමිතයි.

මෙරට වේලාවෙන් අද රාත්‍රි 11 .15ට එම තරග ඉසව්ව පැවැත්වෙනවා.

තරුෂි එහි 06වැනි මූලික තරගයට සහභාගී වීමට නියමිතයි. එම තරග ඉසව්ව මෙරට වේලාවෙන් මධ්‍යම රාත්‍රී 12.00ට ආරම්භකිරීමට නියමිතයි. තරුෂි කරුණාරතනට මෙම ඉසව්ව සුවිශේෂිවනවා.

ඒ මෙවර පැරිස් ඔලිම්පික් උළෙලේ මීටර් 800 කාන්තා ඉසව්වට සුදුසුකම් ලැබූ ක්‍රීඩිකාවන් අතරින්, ආසියානු කලාපයම නියෝජනය කර සිටින්නේ තරුෂිට අමතරව තවත් ක්‍රීඩිකාවන් තිදෙනෙකු පමණක් වීම හේතුවෙන්.

එම ක්‍රීඩිකාවන් පලස්තීනය, කුවෙට් හා බහරේනය නියෝජනය කරනවා. එමෙන්ම තරුෂි තරගවදින 06වැනි මූලික තරගයේ සිටින එකම ආසියානු ක්‍රීඩිකාවද ඇය පමණක් වීමද විශේෂත්වයක්.