තංගල්ල උණුසුම් කළ බිහිසුණු ධීවර ඝාතනය...
Aruna
in ශ්‍රී ලංකාවතංගල්ල පොලිස් වසමට අයත් කුඩාවැල්ල ප්‍රදේශයේදී අද (6) පුද්ගලයෙකු තියුණු ආයුධ වලින් කපා කොටා ඝාතනය කර ඇතැයි තංගල්ල මූලස්ථාන පොලිසිය පවසනවා .
මෙලෙස ඝාතනය කර ඇත්තේ, නාකුලුගමුව ,මධ්‍යම කුඩාවැල්ල ,මිහිර ලිපිනයේ පදිංචිව සිටි කෝකු හැන්නදිගේ අරුණ කීර්ති නමැති 52 හැවිරිදි ධීවරයෙක් බවයි පැවසෙන්නේ .
පොලිසිය පවසන්නේ, මොහුගේ නිවසට පැමිණි ඝාතකයින් තියුණු ආයුධවලින් කපා කොටා ධීවරයා ඝාතනය කර පලාගොස් ඇති බවයි .
මේ අතර, ඊයේ (05) සවස් කාලයේදී සූරියවැව පොලිස් වසමේ පොල්පහ ප්‍රදේශයේ නිවසකදී කාන්තාවක්ව තියුණු ආයුධයකින් පහරදී ඝාතනය කර තිබෙන පුවතක් වාර්තා වනවා.
මරණකාරිය හා සැකකරු අතර පැවැති අනියම් සම්බන්ධතාවයක් මත ඇතිවූ ආරවුලක් හේතුවෙන් මෙම ඝාතනය සිදුව ඇති බවයි පොලිසිය පවසන්නේ.
මෙලෙස ඝාතනයට ලක්ව ඇත්තේ, බැද්දේවැව බටහිර, සූරියවැව ප්‍රදේශයේ පදිංචි 37 හැවිරිදි කාන්තාවක්.
ඝාතනය සිදුකළ සැකකරු හඳුනාගෙන ඇති අතර, අත්අඩංගුවට ගැනීම සඳහා සූරියවැව පොලීසිය වැඩිදුර විමර්ශන සිදු කරයි.
