20-20 ලෝක කුසලානයේ තීරණාත්මක තරග දෙකක් අද..ලංකාවටත් අතිශය වැදගත් වෙයි..

පන්දුවාර 20-20 ලෝක කුසලාන ක්‍රිකට් තරගාවලියේ සුපිරි 12දෙනාගේ වටයේ තවත් තරග දෙකක් අද (26) පැවැත්වීමට නියමිතව තිබේ.

සුපිරි 12 දෙනාගේ වටයේ පළමු කාණ්ඩයට අයත් කණ්ඩායම් අතර අද තරග පැවැත්වීමට නියමිතය.

ඒ අනුව පළමු තරගය අද පෙරවරු 9.30ට එංගලන්තය කණ්ඩායම සහ අයර්ලන්තය කණ්ඩායම අතර මෙල්බන්හිදී ආරම්භ වේ.

දෙවන තරගය ද අද පස්වරු 1.30ට නවසීලන්ත කණ්ඩායම සහ ඇෆ්ගනිස්තාන කණ්ඩායම අතර මෙල්බන් හිදී පැවැත්වෙනු ඇත.

පළමු තරගය ආරම්භ කිරීම සදහා කාසියේ වාසිය උරගා බැලීම මීට සුලු මොහොතකට පෙර සිදුකළ අතර, එහිදි එංගලන්ත කණ්ඩායමේ නායක ජොස් බට්ලර් විසින් කාසියේ වාසිය දිනා ගනු ලැබීය.

ඔහු තීරණය කළේ පළමුව පන්දු රැකීමටයි. ඒ අනුව අයර්ලන්ත පිල පළමුවෙන් මෙල්බර්න් පිටියට පන්දුවට පහරදෙනු ඇත.