වසර එකොළහකට පසුව සිදුවූ දුර්ලභ දේ - දැකබලා ගැනීමට ජනතාව සිව්දෙසින් ඇදේ..(VIDEO)
නැමීබියාවේ ස්වැකොප් නදියේ ජලය වසර 11කට පසු පළමු වරට අත්ලන්තික සාගරයට මුසු වී තිබේ. මෙම දුර්ලභ අවස්ථාව දැක ගැනීම සඳහා කැමරා සහ ස්මාර්ට් ජංගම දුරකතන සමගින් විශාල පිරිසක් ඊයේ පැමිණ සිටි බව විදෙස් මාධ්‍ය වාර්තා කරනවා.
රට අභ්‍යන්තරයට ඇද හැලෙන අඛණ්ඩ වර්ෂාපතනයේ ප්‍රතිඵලයක් ලෙස මෙම දුර්ලභ අවස්ථාව සිදුව ඇත. ස්වැකොප් නදිය නැමීබියාවේ ප්‍රධාන ගංගාවලින් එකක් වන අතර එය ස්ථිරව ගලා යන ගංගාවක් නොවේ. අධික වැසි නොලැබුණහොත් එම නදිය නැමීබ් කාන්තාරයේදී වියළී සිඳී යයි.
අවසන් වරට මෙම ගඟ අත්ලන්තික් සාගරයට මුසු වූයේ, 2011 වසරේ අප්‍රේල් මාසයේ දී වන අතර ඉන් පසුව Swakop ගඟ පෝෂණය කරන අතු ගංගා බොහොමයක් වියළී ගොස් ඇත.
එරට කෘෂිකර්ම, ජල හා ඉඩම් ප්‍රතිසංස්කරණ අමාත්‍යාංශයේ ජල විද්‍යා සේවා ප්‍රධානී Pauline Mufeti ඊයේ ප්‍රකාශ කළේ රටේ බොහෝ ජල ජලාශ 80% ට වඩා පිරී ඇති අවස්ථාවක මෙම ඓතිහාසික දර්ශනය පැමිණෙන බවයි.
"මෙම වේලි වලින් ලැබෙන ජල සැපයුම මත යැපෙන කෘෂිකාර්මික අංශය සම්බන්ධයෙන් ගත් කල, ජලය ප්‍රමාණවත් වන අතර, වැසි මත පදනම් වූ කෘෂිකර්මාන්තය සම්බන්ධයෙන් ගත් කල, අපට ප්‍රමාණවත් වර්ෂාපතනයක් ලැබී ඇති අතර එය බෝග සඳහා ප්‍රමාණවත් වේ," ඇය පැවසුවාය.
සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... |
