හදිසි වැටලීමක්.. පොලිස් නිළධාරුයෙකුට වෙඩි වදියි..

වැටලීමක් සඳහා ගොස් සිටි පොලිස් නිලධාරියෙකුට අද (12) දහවල් වෙඩි වැදී තිබේ. බදුල්ල කහටරුප්ප හෙට්ටියගල ප්‍රදේශයේ ගංජා වැටලීමක් සඳහා ගොස් සිටියදී එම නිලධාරියාට වෙඩි වැදී ඇත. එම නිලධාරියා බදුල්ල කොට්ඨාස අපරාධ විමර්ශන අංශයේ පොලිස් කොස්තාපල්වරයෙකි.

බඳින තුවක්කුවක් පත්තුවීමෙන් එම නිලධාරියාට වෙඩි වැදී ඇත. ඉන් ඔහුගේ පාදයකට බරපතළ තුවාල සිදුවී ඇති අතර ප්‍රතිකාර සඳහා බදුල්ල මහ රෝහලේ හදිසි ප්‍රතිකාර ඒකකය වෙත ඇතුළත් කර තිබේ. සිද්ධිය සම්බන්ධයෙන් ගිනිඅවියේ හිමිකරුව පොලීසිය විසින් අත්අඩංගුවට ගෙන තිබේ.