ශ්‍රී ලංකාවට කඩුළු හතරක් අහිමි වෙයි...

ශ්‍රී ලංකා සහ ඉන්දියාව අතර පැවැත්වෙන පළමු ටෙස්ට් තරගයේ දෙවන දිනයේදී අද (05) සිය පළමු ඉනිම ක්‍රීඩා කළ ශ්‍රී ලංකාව තරගය නතර කරන විට කඩුලු 4ක් දැවී ලකුණු 108ක් ලබා සිටියේය.

තරගය පැවැත්වෙන්නේ ඉන්දියාවේ මොහාලි හිදී ය. පළමුවෙන් පන්දුවට පහරදුන් ඉන්දීය කණ්ඩායම කඩුලු 8ක් දැවී ලකුණු 574 ක් ලබා සිටියදී සිය පළමු ඉනිම අත්හිටුවනු ලැබීය.

කාසියේ වාසිය දිනා ප්‍රථමයෙන් පන්දුවට පහරදුන් ඉන්දීය කණ්ඩායම වෙනුවෙන් රවීන්ද්‍ර ජඩේජා ලකුණු 175 ක් සහ රිෂාබ් පාන්ට් ලකුණු 96ක් ලබා ගැනීමට සමත්විය. පන්දු යැවීමේදී ශ්‍රී ලංකා කණ්ඩායම වෙනුවෙන් සුරංග ලක්මාල්, විශ්ව ප්‍රනාන්දු සහ ලසිත් ඇඹුල්දෙණිය කඩුලු 2 බැගින් බිඳ හෙළීය.