පවතින තත්ත්වයන්ට විරෝධය පළ කරමින් පවත්වන අන්තරේ පාගමන බොරැල්ල පසුකරයි...

පවතින තත්ත්වයන්ට විරෝධය පළ කරමින් අන්තර් විශ්වවිද්‍යාලයීය ශිෂ්‍ය බල මණ්ඩලය ආරම්භ කළ විරෝධතා පාගමන බත්තරමුල්ල පොල්දූව මංසන්ධිය වෙත ගමන් කරමින් තිබෙනවා.

පාගමන මීට ටික වේලාවකට පෙර බොරැල්ල මංසන්ධිය පසුකළ බවයි අප වාර්තාකරු සඳහන් කළේ.

විරෝධතා පාගමන අද පස්වරුවේ කැලණිය විශ්වවිද්‍යාලය ඉදිරිපිටින් ආරම්භ වූ අතර, මේ සඳහා අන්තර් විශ්වවිද්‍යාලයීය භික්ෂු බලමණ්ඩලයට එක්ව සිටිනවා.

දිවයිනේ රාජ්‍ය විශ්වවිද්‍යාල ගණනාවක ම සිසු සිසුවියන් මෙම පා ගමන සඳහා සම්බන්ධ වන්නේ, අධ්‍යයන කටයුතු හා විභාග කටයුතු පවා පවතින මොහොතකදි යි.

අධ්‍යාපනයට, මහජනයාට අර්බුදයක්, ගැටලුවක් පැමිණි බිහෝ අවස්ථාවල දී අන්තර් විශ්වවිද්‍යාලයීය ශිෂ්‍ය බල මණ්ඩලය, තම යුතුකම ඉටු කරන්නට කිසි දා පසුබට වුණේ නෑ.

පසුගිය දින කිහිපයේ ම විශ්වවිද්‍යාල සිසුන් විසින් පවතින අර්බුදවලට විරෝධය පාමින් විරෝධතා ගණනාවක් ම සිදු කරනු ලැබුවා.

ඊයේ රාත්‍රියේ ද පේරාදෙණි සරසවි සිසුන්, මහනුවර නගර මධ්‍යයේ විරෝධතාවක් සංවිධානය කර තිබුණා

.